Паўлючэнка пра Ціханоўскага: Такім людзям не месца ў беларускай палітыцы
«Ціханоўскі не мае права выказвацца ад імя ўсіх беларусаў. Нават нягледзячы на тое, што ён перажыў», — выказаў сваё меркаванне галоўны рэдактар Reform.news.
Гучныя заявы Сяргея Бяспалава, які да нядаўняга часу быў прэс-сакратаром Сяргея Ціханоўскага, сталі адной з тэм новага выпуску ютуб-праекта «Саша, что ты несёшь?..»
Паводле слоў галоўнага рэдактара Reform.news Фёдара Паўлючэнкі, палову таго, што расказаў Сяргей Бяспалаў, ён ведаў да гэтага.
«Калі Сяргей Ціханоўскі думае, што ніхто гэта не абмяркоўвае і не расказвае… То ўсе абмяркоўваюць і расказваюць. (…) Калі нехта думае, што Сяргей Бяспалаў наманіў, перабольшыў ці яшчэ нешта… Не, не трэба так думаць. Так усё і ёсць», — сцвярджае галоўны рэдактар Reform.news.
«Мы маглі б цяпер паліткарэтна выказацца, што гэта такі асаблівы стыль, што ў палітыцы ўсялякае магчыма. Я лічу, што ў палітыцы такое непрымальна», — працягнуў Паўлючэнка.
На яго думку, калі «чалавек, які спрабуе быць палітыкам (…) паводзіць сябе так», то «з гэтым трэба змагацца».
«Не першы Сяргей Ціханоўскі чалавек з такімі замашкамі ў нашым жыцці. Я думаю, што і не апошні. І думаю, што такім людзям не месца ў беларускай палітыцы», —
выказаў сваю пазіцыю Паўлючэнка і дадаў:
«На жаль, яны гэтага самі не зразумеюць. Больш за тое, я думаю, што ў іх знойдуцца нават нейкія паслядоўнікі, прыхільнікі. Гэта нармальна таксама. Але гэта не адмяняе неабходнасці ўтрымліваць такіх людзей ад таго, каб яны прадстаўлялі інтарэсы ўсіх беларусаў.
Яшчэ раз паўтару — Сяргей Ціханоўскі можа як заўгодна сябе паводзіць. Галоўнае, каб гэта не парушала Крымінальны кодэкс той краіны, у якой ён жыве. Але ён не мае права выказвацца ад імя ўсіх беларусаў. Нават нягледзячы на тое, што ён перажыў».
Працягваючы думку, Паўлючэнка падкрэсліў, што не жадае, каб ад яго імя прамаўлялі людзі, якіх не абіралі і ў якіх няма на тое адпаведнага мандата, «як ёсць хаця б у Святланы Ціханоўскай. Хаця б на ўзроўні Каардынацыйнай Рады, хаця б на ўзроўні кіраўніка партыі».
«Таму няхай кожны раз, калі Сяргей Ціханоўскі хоча чарговую крынжаціну ўтварыць, няхай пра гэта думае, памятае і ўлічвае», — зазначыў Паўлючэнка.
Пры гэтым рэдактар выказаў сумнеў, што блогер і былы палітвязень будзе гэта ўлічваць: «Не думаю, што ён нават нас пачуе. Я не думаю, што яго трэба абараняць у гэтым сэнсе».
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі19
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Карацей. Сяргей Живе Ціханоўскі нарабіў дзялоў і яшчэ наробіць. Не адкладайце папкорн далёка.