Вышэйшую школу прыродазнаўчых навук і тэхналогій адкрыюць на базе БДУ ў наступным годзе
Падрыхтоўка студэнтаў будзе праходзіць па пяці эксперыментальных праграмах
Вышэйшую школу прыродазнаўчых навук і тэхналогій адкрыюць у БДУ ў 2026/27 навучальным годзе, паведамляе прэс-служба ВНУ.
Падрыхтоўка студэнтаў будзе праходзіць па пяці эксперыментальных праграмах: інтэлектуальныя радыёфізічныя сістэмы і тэхналогіі; прыкладная фізіка і інфарматыка; прыкладная матэматыка, механіка і інфарматыка; фундаментальная і прыкладная хімія; фундаментальная геаграфія.
Рэктар БДУ Андрэй Кароль адзначыў, што адкрыццё школы з’яўляецца лагічным працягам бесперапыннай працы вуза па ўдасканаленні сістэмы падрыхтоўкі кадраў.
Праграма школы прадугледжвае пяцігадовую адукацыю. На першых трох курсах навучэнцы паглыблена вывучаць фундаментальныя, прыродазнаўчыя дысцыпліны. На чацвёртым—пятым курсах прадугледжана рэгулярная практыка студэнтаў у базавых арганізацыях. Старшакурснікі будуць актыўна ўцягвацца ў вытворчы працэс, сістэматычна наведваць прадпрыемствы і навуковыя цэнтры, праходзіць стажыроўкі ў найбуйнейшых профільных арганізацыях Беларусі і замежжа.
«Адзін дзень на тыдзень будзе прысвечаны навуцы. Арыгінальныя даследчыя праекты і распрацоўкі студэнтаў у далейшым будуць укараняць у айчынную вытворчасць. Акрамя таго, каля 50% заняткаў прадугледжваюць індывідуальны падыход да кожнага навучэнца. Выкладчыкамі школы стануць эксперты і вучоныя вядучых навукова-адукацыйных устаноў Беларусі. Таксама чытанне асобных дысцыплін пройдзе на англійскай мове з прыцягненнем замежных спецыялістаў. Незалежна ад абранай спецыяльнасці выпускнік вышэйшай школы будзе валодаць комплекснымі ведамі па кожным з напрамкаў падрыхтоўкі. Напрыклад, фізік будзе ведаць геаграфію, а хімік — валодаць інфармацыйнымі тэхналогіямі. На выхадзе гэта дазволіць атрымаць унікальнага, канкурэнтаздольнага і запатрабаванага спецыяліста», — праінфармавалі ў прэс-службе БДУ.
Навучанне стартуе ў наступным навучальным годзе.
«Яно арыентавана не на масавую, а на элітарную падрыхтоўку адоранай моладзі: пераможцаў алімпіяд, выпускнікоў ліцэя імя Дзяржынскага БДУ і Нацыянальнага дзіцячага тэхнапарка. Для іх залічэнне адбудзецца па выніках унутранага сумоўя. Іншыя хлопцы і дзяўчаты, акрамя гэтага этапу, будуць таксама здаваць унутраны экзамен», — паведамляе прэс-служба.
Цяпер чытаюць
Малады работнік «Мінск-Арэны» павінен заплаціць 71 мільён даляраў4
Каментары
школуАкадемию национальной безопасности КГБ и их дальнейшей переброске по линии разведки?