Vyšejšuju škołu pryrodaznaŭčych navuk i technałohij adkryjuć na bazie BDU ŭ nastupnym hodzie

Vyšejšuju škołu pryrodaznaŭčych navuk i technałohij adkryjuć u BDU ŭ 2026/27 navučalnym hodzie, paviedamlaje pres-słužba VNU.

Padrychtoŭka studentaŭ budzie prachodzić pa piaci ekśpierymientalnych prahramach: intelektualnyja radyjofizičnyja sistemy i technałohii; prykładnaja fizika i infarmatyka; prykładnaja matematyka, miechanika i infarmatyka; fundamientalnaja i prykładnaja chimija; fundamientalnaja hieahrafija.

Rektar BDU Andrej Karol adznačyŭ, što adkryćcio škoły źjaŭlajecca łahičnym praciaham bieśpierapynnaj pracy vuza pa ŭdaskanaleńni sistemy padrychtoŭki kadraŭ.

Prahrama škoły praduhledžvaje piacihadovuju adukacyju. Na pieršych troch kursach navučency pahłyblena vyvučać fundamientalnyja, pryrodaznaŭčyja dyscypliny. Na čaćviortym—piatym kursach praduhledžana rehularnaja praktyka studentaŭ u bazavych arhanizacyjach. Staršakurśniki buduć aktyŭna ŭciahvacca ŭ vytvorčy praces, sistematyčna naviedvać pradpryjemstvy i navukovyja centry, prachodzić stažyroŭki ŭ najbujniejšych profilnych arhanizacyjach Biełarusi i zamiežža.

«Adzin dzień na tydzień budzie pryśviečany navucy. Aryhinalnyja daśledčyja prajekty i raspracoŭki studentaŭ u dalejšym buduć ukaraniać u ajčynnuju vytvorčaść. Akramia taho, kala 50% zaniatkaŭ praduhledžvajuć indyvidualny padychod da kožnaha navučenca. Vykładčykami škoły stanuć ekśpierty i vučonyja viadučych navukova-adukacyjnych ustanoŭ Biełarusi. Taksama čytańnie asobnych dyscyplin projdzie na anhlijskaj movie z pryciahnieńniem zamiežnych śpiecyjalistaŭ. Niezaležna ad abranaj śpiecyjalnaści vypusknik vyšejšaj škoły budzie vałodać kompleksnymi viedami pa kožnym z napramkaŭ padrychtoŭki. Naprykład, fizik budzie viedać hieahrafiju, a chimik — vałodać infarmacyjnymi technałohijami. Na vychadzie heta dazvolić atrymać unikalnaha, kankurentazdolnaha i zapatrabavanaha śpiecyjalista», — prainfarmavali ŭ pres-słužbie BDU.

Navučańnie startuje ŭ nastupnym navučalnym hodzie.

«Jano aryjentavana nie na masavuju, a na elitarnuju padrychtoŭku adoranaj moładzi: pieramožcaŭ alimpijad, vypusknikoŭ liceja imia Dziaržynskaha BDU i Nacyjanalnaha dziciačaha technaparka. Dla ich zaličeńnie adbudziecca pa vynikach unutranaha sumoŭja. Inšyja chłopcy i dziaŭčaty, akramia hetaha etapu, buduć taksama zdavać unutrany ekzamien», — paviedamlaje pres-słužba.

• 0
• 0
• 1
• 1
• 0
• 0
• 0
• 0