Напрыканцы верасня Нацыянальны банк абвясціў конкурс на новы графічны знак беларускага рубля. Пераможца конкурсу атрымае 3000 рублёў. Прыём заявак скончыўся — іх аказалася 2700.
У Нацбанку адзначылі, што мэта конкурсу — стварыць арыгінальны і пазнавальны сімвал афіцыйнай грашовай адзінкі Беларусі. Зараз графічны знак беларускага рубля — Br.
Удзельнічаць маглі ўсе, хто пастаянна пражывае ў Беларусі (можна камандай). Для гэтага трэба было адправіць заяўку, працу, яе апісанне і канцэпцыю на паштовую скрыню [email protected] (з паметай «Графічны знак»).
Працы прымаліся не пазней за 7 лістапада гэтага года, 5 лепшых з іх адбярэ камісія, а пераможцу вызначаць шляхам галасавання на сайце Нацбанка з 17 па 28 лістапада. Вынікі падвядуць да канца года, піша Onliner.by.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары