Ён выйшаў на лёд ва ўзросце 53 гады, восем месяцаў і два дні.
Для яго гэта ўжо 38‑ы прафесійны сезон у кар’еры, піша Idnes.cz.
Яго «Кладна» атрымала хатнюю перамогу над Віткавіцамі з лікам 3:1. Ягр меў дэбютаваць яшчэ супраць «Карлавых Вар» 30 верасня. Яго імя было ўказана ў пратаколе на гульню, але падчас размінкі Ярамір паўторна траўмаваў мышцу на назе і быў вымушаны пераапрануцца ў цывільнае.
«Прысутнасць Яраміра адчуваецца. Ён упэўнена кіруе гульнёй і бачыць усё. Калі ён нешта кажа, мы ўсе стараемся слухаць», — сказаў пра Ягра Якуб Канечны.
Over in the Czech League, Jaromir Jagr began his 38th‼️ professional hockey season today for @RytiriKladno. He’s 53 years old pic.twitter.com/ugLSxSwlwn
Ярамір Ягр нарадзіўся 15 лютага 1972 года ў Кладна. Дэбютаваў у прафесійным хакеі ў 1988 годзе за аднайменны клуб.
З 1990 па 2018 года гуляў у Нацыянальнай хакейнай лізе. У яго кар'еры былі «Пітсбург Пінгвінз», з якім стаў двойчы пераможцам Кубка Стэнлі, «Вашынгтон Кэпіталз», «Нью-Ёрк Рэйнджэрс», «Філадэльфія Флаерз», «Бостан Бруінз»,»Далас Старз», «Фларыда Флаерз», «Нью-Джэрсі Дэвілз», «Калгары Флэймз».
Займае другое месца па балах у рэгулярных чэмпіянатах НХЛ і пятае месца ў плэй-оф Кубка Стэнлі. Займае чацвёртае месца ў гісторыі па колькасці праведзеных матчаў у чэмпіянатах НХЛ.
Тры факты пра Ягра ў НХЛ:
— з 1980‑га па 2021‑ы ў кожным фінале Кубка Стэнлі гуляў хаця б адзін хакеіст, які быў партнёрам Ягра па камандзе;
— пакуль Ягр гуляў у лізе, Кіт Ткачак паспеў прайсці драфт, правесці 18 гадоў у НХЛ і выхаваць сына Мэтцью, які прайшоў драфт у «Калгары» і стаў партнёрам Ягра па камандзе ў 2017-м;
— калі Ягр дэбютаваў у НХЛ, Internet Explorer яшчэ не існаваў. Калі Ягр завяршыў кар’еру ў НХЛ, Internet Explorer ужо не існаваў.
У 2011 годзе Ягр купіў клуб «Кладна», за які зноў выступае з 2019 года. Заўсёды гуляе ў джэрсі з нумарам 68 у памяць пра савецкую акупацыю Чэхаславакіі ў 1968 годзе.
Цяпер чытаюць
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку12
Каментары