Lehienda suśvietnaha chakieju Jaramir Jahr raspačaŭ 38‑y prafiesijny siezon
Jon vyjšaŭ na lod va ŭzroście 53 hady, vosiem miesiacaŭ i dva dni.
Dla jaho heta ŭžo 38‑y prafiesijny siezon u karjery, piša Idnes.cz.
Jaho «Kładna» atrymała chatniuju pieramohu nad Vitkavicami ź likam 3:1. Jahr mieŭ debiutavać jašče suprać «Karłavych Var» 30 vieraśnia. Jaho imia było ŭkazana ŭ pratakole na hulniu, ale padčas raźminki Jaramir paŭtorna traŭmavaŭ myšcu na nazie i byŭ vymušany pieraapranucca ŭ cyvilnaje.
«Prysutnaść Jaramira adčuvajecca. Jon upeŭniena kiruje hulnioj i bačyć usio. Kali jon niešta kaža, my ŭsie starajemsia słuchać», — skazaŭ pra Jahra Jakub Kaniečny.
Over in the Czech League, Jaromir Jagr began his 38th‼️ professional hockey season today for @RytiriKladno. He's 53 years old pic.twitter.com/ugLSxSwlwn
Jaramir Jahr naradziŭsia 15 lutaha 1972 hoda ŭ Kładna. Debiutavaŭ u prafiesijnym chakiei ŭ 1988 hodzie za adnajmienny kłub.
Z 1990 pa 2018 hoda hulaŭ u Nacyjanalnaj chakiejnaj lizie. U jaho karjery byli «Pitsburh Pinhvinz», ź jakim staŭ dvojčy pieramožcam Kubka Stenli, «Vašynhton Kepitałz», «Ńju-Jork Rejndžers», «Fiładelfija Fłajerz», «Bostan Bruinz»,»Dałas Starz», «Fłaryda Fłajerz», «Ńju-Džersi Deviłz», «Kałhary Fłejmz».
Zajmaje druhoje miesca pa bałach u rehularnych čempijanatach NCHŁ i piataje miesca ŭ płej-of Kubka Stenli. Zajmaje čaćviortaje miesca ŭ historyi pa kolkaści praviedzienych matčaŭ u čempijanatach NCHŁ.
Try fakty pra Jahra ŭ NCHŁ:
— z 1980‑ha pa 2021‑y ŭ kožnym finale Kubka Stenli hulaŭ chacia b adzin chakieist, jaki byŭ partnioram Jahra pa kamandzie;
— pakul Jahr hulaŭ u lizie, Kit Tkačak paśpieŭ prajści draft, pravieści 18 hadoŭ u NCHŁ i vychavać syna Metćju, jaki prajšoŭ draft u «Kałhary» i staŭ partnioram Jahra pa kamandzie ŭ 2017-m;
— kali Jahr debiutavaŭ u NCHŁ, Internet Explorer jašče nie isnavaŭ. Kali Jahr zaviaršyŭ karjeru ŭ NCHŁ, Internet Explorer užo nie isnavaŭ.
U 2011 hodzie Jahr kupiŭ kłub «Kładna», za jaki znoŭ vystupaje z 2019 hoda. Zaŭsiody hulaje ŭ džersi z numaram 68 u pamiać pra savieckuju akupacyju Čechasłavakii ŭ 1968 hodzie.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro7
Kamientary