Дырэктар Нацыянальнага агенцтва па турызме Дзмітрый Марозаў патлумачыў, што выбар звязаны з гастранамічным турызмам: падарожнікі часта асацыююць паездкі з нацыянальнай кухняй, а бульбяныя стравы, такія як, напрыклад, дранікі, — фірмовы знак краіны.
Лагатып агенцтва — стылізаваная кветка бульбы, якая, па словах Марозава, сімвалізуе «прыгажосць у простых рэчах» і адкрывае новыя магчымасці для развіцця турызму. У яго пяць пялёсткаў, якія сімвалізуюць абласныя цэнтры, а ў цэнтры — Мінск. Калі змяніць колер, кветка можа асацыявацца з іншымі беларускімі сімваламі, напрыклад з «папараць-кветкай».
«Мы доўга думалі, з чым павінен асацыявацца новы брэнд Нацыянальнага агенцтва па турызме. Вывучалі вопыт розных краін — перамог вектар на гастранамічны турызм. Таму што вельмі часта падарожжа ў нейкую краіну асацыюецца з дэгустацыяй нацыянальных страў, — растлумачыў Марозаў. — І калі да нас прыязджаюць госці з іншых краін, яны хочуць паспрабаваць дранікі — нашу фірмовую страву, іншыя стравы з бульбы. Так мы выйшлі на той сімвал, які лёг у аснову рэбрэндынгу».
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд27
Каментары
Сколько ответит - кветка бульбы? Очень интересно