Начальнікам галоўнага ўпраўлення ідэалагічнай работы і па справах моладзі Мінгарвыканкама прызначаны Аляксандр Лук'янаў, паведамляе Мінгарвыканкам.
Лук'янаў нарадзіўся 10 чэрвеня 1989 года ў Магілёве ў сям’і ратавальніка. Скончыў інстытут МНС. Працаваў начальнікам аддзела ў Навукова-даследчым інстытуце пажарнай бяспекі і надзвычайных сітуацый МНС. З 2021 года ён быў кіраўніком БРСМ.
На пару з Рыгорам Азаронкам у свой адпачынак Лук'янаў у 2023‑м наведваў акупаваныя тэрыторыі Запарожскай і Херсонскай абласцей. Летась наведваў захопленую расіянамі Аўдзееўку.
Разам з фондам Аляксея Талая пасля пачатку вайны ва Украіне ідэолаг збірае для дзяцей Данбаса гуманітарку і кіруе працэсам іх аздараўлення ў Беларусі.
Перад гэтым галоўным ідэолагам Мінска была экс-прэс-сакратарка МУС Вольга Чамаданава, якую ў чэрвені абралі старшынёй партыі «Белая Русь».
Новым кіраўніком упраўлення жыллёвай палітыкі Мінгарвыканкама стаў Сяргей Шакель, які раней займаў пасаду начальніка аддзела жыллёвай палітыкі адміністрацыі Фрунзенскага раёна г. Мінска.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары