Прэзідэнт ЗША Дональд Трамп заявіў, што не змог да гэтага часу завяршыць расійска-ўкраінскую вайну, бо яго падвёў прэзідэнт Расіі Уладзімір Пуцін.
«ЗША ўрэгулявалі сем [войнаў]. Я думаў, што гэтая — самы просты варыянт [для ўрэгулявання] праз мае стасункі з прэзідэнтам Пуціным. Але ён мяне падвёў. Ён мяне сапраўды падвёў», — сказаў Трамп на супольнай прэс-канферэнцыі з прэм'ер-міністрам Вялікабрытаніі Кірам Стармерам у Лондане.
Пры гэтым прэзідэнт ЗША адзначыў, што не лічыць памылкай сустрэчу з Пуціным на Алясцы.
Таксама Трамп выказаў упэўненасць, што калі цэны на нафту будуць зніжацца, Пуціну ў хуткім часе давядзецца спыніць баявыя дзеянні.
«Ён [Пуцін] забівае шмат людзей, і ён губляе больш людзей, чым забівае, шчыра кажучы, расійскіх салдат забіваюць часцей, чым украінскіх», — падкрэсліў прэзідэнт ЗША.
Ён таксама выказаў меркаванне, што расійская-ўкраінская вайна магла перарасці ў Трэцюю сусветную, і паўтарыў, што Расія не ўварвалася б ва Украіну ў 2022 годзе, калі б ён быў прэзідэнтам.
Са свайго боку, Кір Стармер заклікаў Трампа супольна ціснуць на Пуціна.
У Віндзарскім замку Меланія Трамп была абсалютна непранікальнай. А пасля пераапранулася — і стварыла процілеглае ўражанне ФОТЫ
113‑гадовы каньяк, меню на французскай і паўтары тысячы сталовых прыбораў. Якім быў каралеўскі банкет у гонар Дональда Трампа
«Тыранiя зноў пагражае Еўропе». У Лондане адбыўся банкет у гонар Дональда Трампа
Трамп выстаўляе Еўрасаюзу ўмовы, якія той не можа выканаць
Цяпер чытаюць
Расійская блогерка-мільённіца, якая зганьбілася з беларускай мовай, запісала відэа з тлумачэннямі — але так і не выбачылася21
Каментары