Пра перахоп расійскага дрона ў небе над Румыніяй паведамілі мясцовыя СМІ. Для перахопу яго з авіябазы Фетэшці паднялі два знішчальнікі F-16, пацвердзіла камандаванне мясцовых Паветраных сіл.
У Міністэрстве абароны Румыніі ўдакладнілі, што беспілотнік не пралятаў над населенымі пунктамі і не ўяўляў непасрэднай пагрозы бяспецы насельніцтва. Цяпер сітуацыю ў паветры кантралююць РЛС і самалёты.
Прэзідэнт Украіны Уладзімір Зяленскі паведаміў, што расійскі дрон у паветранай прасторы Румыніі знаходзіўся каля 50 хвілін і заглыбіўся на 10 кіламетраў ад мяжы. Таксама ён нагадаў, што раней у гэты самы дзень Польшча задзейнічала вайсковы адказ на пагрозу ўдарных дронаў Расіі, якія лёталі над Валынню.
Паводле слоў Зяленскага, Расія нібыта выкарыстоўвае для запуску дронаў у кірунку Валыні паветраную прастору Беларусі. Беспілотнікі таксама фіксавалі ўздоўж усёй паўночнай мяжы Украіны.
Зяленскі чарговы раз падкрэсліў: гэта не выпадковасць, а свядомае пашырэнне вайны. Расія павінна адчуць наступствы гэтых дзеянняў.
«Санкцыі супраць Расіі патрэбныя. Тарыфы супраць расійскага гандлю патрэбныя. Сумесная абарона патрэбная, і Украіна прапанавала партнёрам стварыць менавіта такую сістэму абароны. Не чакайце дзясяткаў «шахедаў» і балістыку, каб нарэшце прыняць рашэнне», — заклікаў ён заходніх партнёраў.
Ці павінна НАТА пасля дронавай атакі на Польшчу задзейнічаць 5-ты артыкул? Адназначна — не. Але рэагаваць мусіць рашуча
ЗША паабяцалі абараняць «кожны дзюйм» тэрыторыі НАТА
Польскае выданне назвала Церцеля архітэктарам спецаперацыі, якая разгортваецца паралельна з вучэннямі «Захад»
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
Міжнародныя эксперты ацанілі расійскі кантынгент на вучэннях «Захад-2025»
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму5
Каментары