Трамп паабяцаў не пакінуць без адказу рашэнне ЕС аштрафаваць Google на 3,5 мільярда даляраў
Штраф на мацярынскую кампанію Alphabet у Еўрасаюзе наклалі праз тое, што кампанія злоўжывае сваім «дамінантным становішчам» на рынку рэкламных тэхналогій.
На думку прэзідэнта ЗША Дональда Трампа, грошы, якія цяпер мусіць заплаціць Alphabet, маглі б пайсці на «інвестыцыі і працоўныя месцы ў ЗША».
«Сёння Еўропа ўдарыла па іншай буйной амерыканскай кампаніі, Google, штрафам у $3,5 мільярда, фактычна канфіскаваўшы грошы, якія ў адваротным выпадку былі б накіраваныя на амерыканскія інвестыцыі і працоўныя месцы. Гэта ў дадатак да мноства іншых штрафаў і падаткаў, накладзеных на Google і іншыя амерыканскія тэхналагічныя кампаніі, у прыватнасці. Вельмі несправядліва, і амерыканскія падаткаплацельшчыкі гэтага не пацерпяць! Як я ўжо казаў, мая адміністрацыя не дапусціць працягу гэтых дыскрымінацыйных дзеянняў», — напісаў Трамп у сваёй сацсетцы Truth Social.
Ён прыгразіў пачаць расследаванне па артыкуле 301 Закона аб гандлі 1974 года. Ён дазваляе ЗША правяраць замежныя практыкі, якія парушаюць гандлёвыя пагадненні або ствараюць несправядлівыя бар'еры для амерыканскіх кампаній.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары