Аднак тэмпы трэба паскорыць.
Генеральны сакратар НАТА Марк Рутэ заявіў, што краіны Еўропы вырабляюць цяпер у шэсць разоў больш боепрыпасаў, чым два гады таму, але тэмпы работы ВПК трэба паскорыць.
Пра гэта Марк Рутэ заявіў падчас выступу на адкрыцці найбуйнейшага ў Еўропе завода па вытворчасці артылерыйскіх снарадаў Rheinmetall у нямецкім горадзе Унтэрлюс, піша «Укрінфарм».
«Гадавыя магутнасці Еўропы па вытворчасці артылерыйскіх боепрыпасаў у шэсць разоў большыя, чым усяго толькі два гады таму. Чакаецца, што да канца гэтага года яны дасягнуць 2 мільёнаў снарадаў. І Rheinmetall забяспечвае значную частку гэтага росту». — сказаў Рутэ.
Генеральны сакратар НАТА таксама заклікаў вытворцаў абароннай прадукцыі прыкласці аналагічныя намаганні ў павелічэнні вытворчасці танкаў, сістэм супрацьпаветранай абароны і ракет.
«Я заклікаю вас у Rheinmetall і ўсю трансатлантычную абаронна-прамысловую базу падтрымліваць высокі ўзровень вытворчасці, падымаць планку яшчэ вышэй і выкарыстоўваць магчымасці для сумеснай працы ва ўсім Альянсе і, вядома, з нашымі партнёрамі, такімі як Украіна». — сказаў Рутэ.
Толькі завод ва Унтэрлюсе плануе вырабляць 350 тысяч артылерыйскіх снарадаў у год, адзначыў Рутэ, дадаўшы, што заводы Rheinmetall па ўсім свеце сёлета плануюць выпусціць 700 тысяч артылерыйскіх боепрыпасаў.
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
Это факт.
А ў 6 разоў, ці ў сто разоў ад нуля, гэта ўсё адно нуль.