Як паведамляе The Wall Street Journal са спасылкай на крыніцы, адміністрацыя прэзідэнта ЗША Дональда Трампа ўхваліла продаж Украіне 3350 авіяцыйных ракет Extended Range Attack Munition (ERAM). Пастаўкі плануецца ажыццявіць цягам прыкладна шасці тыдняў.
ERAM — гэта авіяцыйная крылатая ракета класа «паветра—паверхня», прызначаная для паражэння наземных і марскіх цэляў. Яе радыус дзеяння складае ад 240 да 450 км, а модульная канструкцыя дазваляе адаптаваць зброю пад розныя задачы.
Паводле WSJ, пакет узбраенняў на 850 млн долараў, пераважна фінансаваны еўрапейскімі краінамі, быў адкладзены да завяршэння перамоваў Дональда Трампа з Уладзімірам Пуціным і Уладзімірам Зяленскім. Пры гэтым выкарыстанне ракет ERAM патрабуе дадатковага ўзгаднення з Пентагонам.
Афіцыйна ЗША пакуль не абвясцілі пра новыя пастаўкі гэтых ракет. Аднак адзначаецца, што іншыя ўзбраенні, закупленыя еўрапейскімі краінамі ў ЗША, могуць узмацніць абарону Украіны ў межах яе тэрыторыі. У прыватнасці, гаворка ідзе пра сістэмы супрацьпаветранай абароны і рэактыўныя сістэмы залпавага агню GMLRS з дальнасцю да 145 км.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
При таком подходе - зря потраченные деньги.