Спецслужбы рассылаюць фэйкавыя паведамленні пра аплату ўдзелу ў мітынгах. Купіўся толькі блогер Вірус і ягоныя сябры
Сёння ў чатах пошуку працы ў Вільні масава рассылалі паведамленні ад імя былой палітзняволенай Алены Дзядзюлі. У іх, быццам, яна прапанавала грошы за ўдзел у акцыі пратэсту каля амбасады Беларусі ў Вільні. На фэйк амаль ніхто не павёўся.
Паведамленні масава рассылаліся па чатах, дзе людзі шукаюць працу ў Вільні і Літве. Акаўнт мімікруе пад сапраўдны акаўнт былой палітзняволенай Алены Дзядзюлі.
Тэкст паведамлення такі: «Падпрацоўка ў Вільні — 50 еўра за гадзіну. Трэба прыйсці ў любы час з 14 да 22 да 8 жніўня, удзел ад адной гадзіны. Трэба пастаяць з іншымі ўдзельнікамі ў масоўцы, аніякіх прамоў і лозунгаў».
У якасці месца прапануецца амбасада Беларусі ў Літве, вуліца Міндоўга, 13 у Вільні. У гэты ж час і ў гэтым месцы актывісты робяць акцыю ў падтрымку палітвязняў RE:BELARUS каля амбасады Беларусі ў Літве.
Акаўнт, з якога рассылаюцца паведамленні, відавочна фэйкавы (id7068617781) — мяняў некалькі імёнаў, нічога не пісаў і толькі маніторыў чаты віленскай эміграцыі.
Першым купіўся на гэтую правакацыю блогер «Думаць не балюча» — Леанід Мышленік, колішні прадпрымальнік з Брэста, які моцна пацярпеў падчас пратэстаў у 2020-м годзе і выехаў з Беларусі. Цяпер ён вядзе блог, дзе зацята крытыкуе дэмакратычныя сілы Беларусі і асабліва Офіс Святланы Ціханоўскай.
Мышленік правёў уласнае «расследаванне» гэтай сітуацыі, дзе піша, што гэтыя акцыі нікому не патрэбныя, а людзі на іх ходзяць толькі за грошы. Зрабіў ён выснову і пра «недавер людзей да Офіса», хоць акцыі каля амбасады з ім аніякім чынам не звязаныя.
Адразу пасля публікацыі яе рэпоснуў блогер Віталь «Вірус» Кандраценка. Акрамя іх двух, на правакацыю ніхто не павёўся.
«Наша Нiва» — бастыён беларушчыны
ПАДТРЫМАЦЬЦяпер чытаюць
Што вядома пра затрыманых радыёаматараў, якім пагражае аж да расстрэлу8
Каментары