Афганістан зазывае ў краіну замежных турыстаў ролікам, у якім абыгрываецца выкраданне людзей
У Афганістане турагенцтва, звязанае з талібамі, выпусціла рэкламны ролік, каб прыцягнуць у краіну замежных турыстаў. Аднак відэа гэта настолькі незвычайнае, што ў многіх выклікала замест сімпатыі да краіны шок, піша Euronews.
У пачатку роліка паказаныя сцэны, якія імітуюць выкраданне: двое людзей стаяць на каленях з чорнымі пакетамі на галаве, а ўзброеныя людзі патрабуюць выкуп.
«Чао, Італія. Калі вы хочаце, каб два вашыя грамадзяніны вярнуліся ў Італію ў цэласці і захаванасці, вы павінны адправіць нам 5 мільярдаў даляраў у біткоінах», — гавораць у роліку.
Потым пакеты здымаюць, «заложнікі» ўсміхаюцца і вітаюць гледачоў з фразай: «Сардэчна запрашаем у Афганістан!»
Далей паказваюцца кадры, дзе турысты гуляюць па мясцовых рынках, фатаграфуюць прыроду і гуляюць з дзецьмі. Падобны ролік ужо з’яўляўся раней — там «ахвярамі» былі амерыканцы.
Гэтыя відэаролікі нагадваюць пра пакаранне закладнікаў, у тым ліку амерыканскага журналіста Дэніэла Перла ў 2002 годзе ў Пакістане і Джэймса Фоўлі, таксама рэпарцёра з ЗША, у 2014 годзе ў Сірыі.
لماذا طلب الشباب الأفغاني خمسة مليون دولار مقابل إطلاق سراح الإيطاليين؟ #ترفيه pic.twitter.com/9rX2hHs95z
Гэтыя ролікі выклікалі супярэчлівую рэакцыю: ад пахвалы за арыгінальную задуму да асуджэння за выкарыстанне тэмаў гвалту і за тое, што ў кадры няма жанчын. Прытым што асноўнай ідэяй відэа заяўляецца разбурэнне негатыўных стэрэатыпаў пра Афганістан.
Аўтар ідэі, Ясаф Арубі, вырас у ЗША і кажа, што не мае сувязяў з афганскімі ўладамі. Ён сцвярджае, што хоча паказаць іншую, мірную і гасцінную частку сваёй радзімы, якая доўгі час была пад акупацыяй.
Пасля таго, як у 2021 годзе талібы захапілі ўладу, Афганістан апынуўся ў міжнароднай ізаляцыі, а большасць насельніцтва жыве ў беднасці. Турыстычны сектар разглядаецца як спосаб палепшыць эканамічнае становішча. У 2024 годзе краіну наведалі каля 9 тысяч іншаземцаў, а з пачатку 2025 — яшчэ каля 3 тысяч.
Аднак небяспека ў краіне ўсё яшчэ існуе: адбываюцца тэракты, выкраданні і затрыманні. Напрыклад, у 2024 годзе ў Баміяне забілі трох іспанскіх турыстаў, а брытанскую пару, што займалася адукацыйнымі праектамі, арыштавалі. Амерыканца, які быў арыштаваны ў 2022 годзе, вызвалілі толькі праз два гады.
Такім чынам, нягледзячы на спробы зрабіць турызм «новай надзеяй» для краіны, Афганістан усё ж застаецца не надта бяспечным месцам для падарожжаў.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары