У другой палове дня 15 ліпеня на сталічны рэгіён абрынулася моцная навальніца з залевамі, якія прывялі да збояў у руху гарадскога транспарту. Аднак былі не толькі ападкі: у раёне аграгарадка Лугавая Слабада, што пад Мінскам, сведкі зафіксавалі з’яву, якую ў Беларусі бачаць нячаста — смерч.
Відэа з месца здарэння апублікаваў падпісчык канал «Мінскі раён LIVE» з каментарыем: «Лугавая Слабада сёння. Прыкладна так».
Канал «Метеовайб» патлумачыў, што на відэа можна бачыць кандэнсацыйную варонку. Яна ўзнікла пры амаль поўнай адсутнасці зрухаў ветру ў сярэдняй трапасферы і адносна сціплых паказчыках зруху ў ніжнім слоі атмасферы (0—1 км).
«Мяркуючы па нізкай базе воблака, гэта сапраўды мог быць смерч», — адзначылі адмыслоўцы.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары