Міністр абароны Германіі выключыў пастаўкі Украіне крылатых ракет Taurus
Германія не будзе пастаўляць Украіне нямецка-шведскія крылатыя ракеты Taurus, нягледзячы на ўзмоцненыя паветраныя атакі РФ і паўторны запыт з Кіева. Пра гэта заявіў міністр абароны ФРГ Барыс Пісторыус, паведамляе Deutsche Welle.
Раней канцлер ФРГ Фрыдрых Мерц не раз даваў зразумець, што ён адкрыты да ідэі пастаўкі крылатых ракет Taurus Кіеву. Са свайго боку Масква неаднаразова папярэджвала, што будзе разглядаць такі крок як уступ Германіі ў вайну, сцвярджаючы, што толькі нямецкія вайскоўцы здольныя кіраваць гэтай сістэмай узбраенняў.
1 ліпеня Мерц заявіў, аднак, што ў выпадку перадачы Украіне ракет Taurus кіраваць імі будуць не нямецкія, а ўкраінскія вайскоўцы.
Чакаецца, што кіраўнік Мінабароны Германіі Барыс Пісторыус 14 ліпеня сустрэнецца ў Вашынгтоне з міністрам абароны ЗША Пітам Хегсетам. Як патлумачыў германскі палітык у інтэрв’ю FT, падчас гэтай сустрэчы ён мае намер абмеркаваць «дарожную карту» для амерыканскай ваеннай падтрымкі Еўропы.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары