Цана расійскай нафты падскочыла амаль на 15% за некалькі дзён пасля ўдараў Ізраіля па Іране
Вайна Ізраіля з Іранам становіцца «выратавальным кругам» для расійскага бюджэту, які ў гэтым годзе сутыкнуўся з абвальным падзеннем нафтагазавых даходаў.
Рублёвая цана расійскай нафты Urals, ад якой залежыць кожны чацвёрты рубель у казне, за некалькі дзён канфлікту падскочыла амаль на 15%, пішуць аналітыкі.
Па стане на 13 чэрвеня Urals каштавала 5000 расійскіх рублёў (63,3 даляра) за бараль, хаця яшчэ 10 чэрвеня яе прадавалі танней за 4400 рублёў ($55,7)— мінімальнай цане за апошнія два гады, піша Moscow Times.
Пакуль, аднак, кошт Urals па-ранейшаму не дацягвае ні да ўзроўню, на які спачатку разлічвала ўрада (6700 рублёў за бочку — $84,8), ні да перагледжанага прагнозу Мінэканомразвіцця, на падставе якога бюджэт пералічылі ў маі (5300 рублёў за бараль, 67 даляраў).
Каментары