У мінскай краме прадаюць «нарвежскі» сыр ад беларускага вытворцы па 160 рублёў за кілаграм
На прылаўках гіпермаркета «Грын» з’явіўся сыр брунуст ад беларускага завода з касмічнай цаной — ажно 160 рублёў за кілаграм. Яго ж вырабляюць і фермеры — але значна таней.
Брунаст — гэта традыцыйны нарвежскі сыр, які вырабляюць з малака, вяршкоў і малочнай сыроваткі. Іх кіпяцяць разам на працягу некалькіх гадзін, пакуль уся вада не выпарыцца. Пры гэтым цукар ператвараецца ў карамель, што і надае сыру яго асаблівы колер і смак.
Брунаст, які прадаецца ў «Грыне», прыехаў не з Нарвегіі. Элітны сыр пастаўляе беларускі вытворца — «Бабушкина крынка». Расфасаваны ён па 500 грам. Кілаграм каштуе амаль 160 рублёў. Прадаецца гэты скарб у драўлянай скрыні.
Беларускія фермеры таксама вырабляюць крафтавы сыр. Цэны ў іх кусаюцца, але ўсё ж меншыя. Блогерка, якая вядзе інстаграм фермерскага рынку ў Мінску «Усё сваё», распытала ў прадаўцоў, за колькі яны прадаюць брунаст.
— Наш па 95 рублёў за кілаграм, — адказала першая жанчына. — Можна купіць розныя кавалкі, нават 50 грам. Яго не трэба шмат набываць, бо яго ядуць маленькімі кавалачкамі, смакуючы з фінікамі, кавай. Гэта сублімаваны кальцый, вельмі карысна для костак, зубоў і скуры.
Іншы фермер прадае брунаст па 100 рублёў за кілаграм. Блогерка, якая дэгустуе крафтавыя сыры, сцвярджае: у кожнага фермера свой смак брунаста.
Яшчэ адзін фермер прапаноўвае брунаст з казінага малака. Але калі блогерка дайшла да яго, то мужчына ўжо паспеў прадаць гэты нарвежскі прысмак. Кошт быў 55 рублёў за кілаграм, ці 5 рублёў за 100 грам.
Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»
«Алё, ідэолагі, вы там зусім ку-ку?»: беларус абурыўся шалёным коштам папяровага чырвона-зялёнага сцяжка
У Мінску прадаюць невялікі шарык марожанага за 60 рублёў. Што не так з гэтым дэсертам?
305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію9
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі66
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі6
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Па колькасці - па-рознаму. Як той жа кавяр: нехта кожны дзень, а нехта зусім не есць.