У Мінску прадаюць невялікі шарык марожанага за 60 рублёў. Што не так з гэтым дэсертам?
Думаеце, што за такі кошт у пламбір павінны былі дадаць золата? Не, толькі чорную ікру.
Мінскі фудблогер Мустафа схадзіў у сталічны рэстаран Martinique Brasserie, каб пакаштаваць іх незвычайны дэсерт — марожанае з чорнай ікрой. На шарык пламбіру зверху паклалі сімвалічную колькасць далікатэсу — здаецца, усяго чайную лыжку.
— Прадстаўляць гэты дэсерт не трэба. Але толькі ўдумайцеся: малочны прадукт і рыба. І маслам палілі яшчэ.
Заплаціў за незвычайную страву тыктокер 60 рублёў. Але шчыра прызнаўся, што спалучэнне вельмі дзіўнае.
— Ці пакаштаваў бы я яго яшчэ раз калі-небудзь? Сто адсоткаў, не.
Шарик мороженного за 60 руб или 20$.
У каментарыях да відэа жартуюць, што марожанае з чорнай ікрой — гэта ідэальны дэсерт для цяжарных. А нехта раіць рэстарану зрабіць наведванне прыбіральні платнай, бо пасля такога спалучэння, імаверна, ахвотных яе наведаць будзе шмат.
Дарэчы, шыкоўны рэстаран Martinique Brasserie — адзін з улюблёных у штатных лукашэнкаўскіх прыгажунь. Даволі часта ў інстаграмах дзяўчын, якія спачатку ўдзельнічалі ў конкурсе «Міс Беларусь», а потым сталі наведваць ідэалагічныя мерапрыемствы ў кампаніі палітыка, з’яўляюцца здымкі менавіта адтуль.
А былая дэпутатка Марыя Васілевіч нават святкавала ў Martinique Brasserie дзявочнік.
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»
Мінскае кафэ ўнесла дзяўчыну ў чорны спіс — прычына нестандартная
«Я хачу пазбавіцца ўсіх кліентаў з ноўтбукамі!»: уладальнік сталічнай кавярні падзяліўся болем
Спявае ў караоке, снедае ў Драздах. Чым займаецца ў вольны час фаварытка Лукашэнкі Уладлена Зайцава
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі58
Каментары