Свет2222

Украіна без Крыма, але з Запарожскай АЭС. Reuters апублікавала поўны спіс мірных прапаноў Трампа

Агенцтва Reuters атрымала поўны змест мірнага плана прэзідэнта ЗША Дональда Трампа, які амерыканскі спецпрадстаўнік Стыў Уіткаф прадставіў на перамовах з Украінай. Журналісты адзначылі, што публікуюць дакумент без зменаў. Ён утрымлівае выразныя ўмовы, якія з'яўляюцца «канчатковай прапановай» Вашынгтона для абодвух бакоў.

Дональд Трамп. Фота: Joe Raedle / Getty Images

У першую чаргу Злучаныя Штаты выступаюць за ўстанаўленне пастаяннага спынення агню паміж Расіяй і Украінай, а таксама за неадкладны пачатак перамоваў па яго практычным укараненні. Украіна атрымае «надзейныя гарантыі бяспекі» і магчымасьць далучэньня да Еўрасаюза, але не будзе мець права на ўступленне ў НАТА.

Па тэрытарыяльных пытаннях ЗША дэ-юрэ прызнаюць расійскі кантроль над Крымам, а таксама дэ-факта прызнаюць расійскі кантроль над Луганскай вобласцю і часткамі Данецкай, Запарожскай і Херсонскай абласцей.

У той жа час прадугледжваецца, што Украіна вяртае часова акупаваныя тэрыторыі Харкаўскай вобласці. Таксама яна вяртае кантроль над Запарожскай атамнай электрастанцыяй праз амерыканскі кантроль і кіраванне станцыяй — электраэнергія з яе размяркоўваецца паміж абодвума бакамі.

Паводле дакумента, Украіна яшчэ атрымлівае кантроль над Кінбурнскай касой і бесперашкодны доступ да Дняпра.

Адносна эканамічнай часткі, згодна з планам, прадстаўленым Уіткафам, прадугледжана заключэнне пагаднення аб эканамічным партнёрстве паміж ЗША і Украінай, а таксама аднаўленне фінансавай падтрымкі для пасляваеннага аднаўлення краіны.

Акрамя гэтага, планам прадугледжана зняцце санкцый, уведзеных супраць Расіі з 2014 года. Таксама гаворка ідзе пра будучае эканамічнае супрацоўніцтва паміж ЗША і Расіяй, у прыватнасці ў энергетыцы і іншых галінах прамысловасці.

Каментары22

  • Андрусь
    25.04.2025
    Якія канкрэтна гарантыі бяспекі даюць ЗША ? Аказваецца ніякіх ! Ужо забыліся пра гарантыі 1994 !
    Лапідарны Трамп патрабуе каб Украіна а потым ЗША прызналі анэксію Крыму . Гэта поўнасцю супярэчыць міжнароднаму праву і падбухторвае для новых агрэсій па ўсяму свету.
  • Filipp
    25.04.2025
    Карціна маслам! , "Фантазёр, ты меня называла"© Тут справа сур'ёзная, калі вайна ўжо праіграная, трэба думаць як лепей за ўсё падпісаць мірную дамову.
  • .
    25.04.2025
    "калі вайна ўжо праіграная"
    Звычайна пуцінскі прапагандыст нібыта беларус Піліп быў больш асцярожным, а тут выкрыўся цалкам.
    Сабой гандлюй, а не чужой краінай.

Цяпер чытаюць

У зняволенні памёр асуджаны па палітычных артыкулах даносчык і ўдзельнік акцый за Лукашэнку2

У зняволенні памёр асуджаны па палітычных артыкулах даносчык і ўдзельнік акцый за Лукашэнку

Усе навіны →
Усе навіны

Якія новыя месцы добраўпарадкуюць у Кастрычніцкім раёне сталіцы

Былы дырэктар Ліцэя БДУ расказаў, як Коля Лукашэнка нечакана яму дапамог8

Нікаля Сарказі будзе адбываць пакаранне ў адзіночнай камеры3

У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку8

Як на запраўках кінуліся выконваць загад Лукашэнкі ФОТЫ27

У Расіі пасля ўдараў дронаў гараць Навакуйбышаўскі нафтаперапрацоўчы завод у Самары і газаперапрацоўчы завод у Арэнбургу3

Лявон Халатран адкрыў з камандай бістро-бар у Варшаве — чым будуць здзіўляць?1

Беларусу ў рэшце трапіла незвычайная манета. Яна каштуе значна даражэй за намінал1

Чаму так шмат «срачыкаў» у апазіцыі і што з імі рабіць? Дзядок адрэагаваў на канфлікты ў дэмакратычным руху33

больш чытаных навін
больш лайканых навін

У зняволенні памёр асуджаны па палітычных артыкулах даносчык і ўдзельнік акцый за Лукашэнку2

У зняволенні памёр асуджаны па палітычных артыкулах даносчык і ўдзельнік акцый за Лукашэнку

Галоўнае
Усе навіны →

Заўвага:

 

 

 

 

Закрыць Паведаміць