Вадзім Галыгін падарыў Леаніду Якубовічу майку БАТЭ і распавёў навіну з прыватнага жыцця
Вадзім Галыгін — вядомы тэлевядучы, сцэнарыст і прадзюсар з Барысава, прыняў удзел у перадачы «Поле цудаў». Артыст, які працуе і жыве ў Расіі, згадаў на расійскім канале пра свой родны горад і пра яго футбольную каманду.
Вадзім Галыгін прыняў удзел у юбілейнай праграме «Поле цудаў», у якой удзельнічалі вядомыя ў Расіі артысты. Папулярны вядоўца быў сярод іх.
Па традыцыі праграмы, Галыгін перадаваў з тэлеэкрана прывітанні. Ён згадаў сваю маму, сваю жонку Вольгу (былую спявачку «Топлес» Вольгу Вайніловіч), сваю дачку і двух сыноў.
Асаблівае прывітанне ён перадаў свайму ўнуку Прохару Аляксеевічу, які, расказаў Галыгін, толькі нядаўна з'явіўся на свет.
Таксама Галыгін падарыў Якубовічу «ад роднага горада Барысава» майку БАТЭ — пад нумарам 80 — у гонар 80-годдзя Перамогі і юбілею Якубовіча, якому таксама спаўняецца ў гэтым годзе 80 гадоў.
Разам з гледачамі Галыгін праскандаваў «Барысаў — наперад!».
Вадзім Галыгін нарадзіўся ў Барысаве. Пасля школы паступіў у Мінскае вышэйшае ваенна-каманднае вучылішча, якое скончыў у 1997 годзе. Атрымаў званне лейтэнанта і служыў у арміі Беларусі, пазней звольніўся ў запас у званні старшага лейтэнанта. Атрымаў шырокую вядомасць дзякуючы ўдзелу ў Клубе вясёлых і знаходлівых і Comedy Club.
Цяпер чытаюць
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары
Аааавтомобиль!!!
Призы и подарки в студию!
Да ладно