Vadzim Hałyhin padaryŭ Leanidu Jakuboviču majku BATE i raspavioŭ navinu z pryvatnaha žyćcia
Vadzim Hałyhin — viadomy televiadučy, scenaryst i pradziusar z Barysava, pryniaŭ udzieł u pieradačy «Pole cudaŭ». Artyst, jaki pracuje i žyvie ŭ Rasii, zhadaŭ na rasijskim kanale pra svoj rodny horad i pra jaho futbolnuju kamandu.
Vadzim Hałyhin pryniaŭ udzieł u jubilejnaj prahramie «Pole cudaŭ», u jakoj udzielničali viadomyja ŭ Rasii artysty. Papularny viadoŭca byŭ siarod ich.
Pa tradycyi prahramy, Hałyhin pieradavaŭ z teleekrana pryvitańni. Jon zhadaŭ svaju mamu, svaju žonku Volhu (byłuju śpiavačku «Toples» Volhu Vajniłovič), svaju dačku i dvuch synoŭ.
Asablivaje pryvitańnie jon pieradaŭ svajmu ŭnuku Procharu Alaksiejeviču, jaki, raskazaŭ Hałyhin, tolki niadaŭna źjaviŭsia na śviet.
Taksama Hałyhin padaryŭ Jakuboviču «ad rodnaha horada Barysava» majku BATE — pad numaram 80 — u honar 80-hodździa Pieramohi i jubileju Jakuboviča, jakomu taksama spaŭniajecca ŭ hetym hodzie 80 hadoŭ.
Razam z hledačami Hałyhin praskandavaŭ «Barysaŭ — napierad!».
Vadzim Hałyhin naradziŭsia ŭ Barysavie. Paśla škoły pastupiŭ u Minskaje vyšejšaje vajenna-kamandnaje vučylišča, jakoje skončyŭ u 1997 hodzie. Atrymaŭ zvańnie lejtenanta i słužyŭ u armii Biełarusi, paźniej zvolniŭsia ŭ zapas u zvańni staršaha lejtenanta. Atrymaŭ šyrokuju viadomaść dziakujučy ŭdziełu ŭ Kłubie viasiołych i znachodlivych i Comedy Club.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary
Aaaavtomobil!!!
Prizy i podarki v studiju!
Da ładno