Траццякоўская галерэя запусціла 18-хвілінную анлайн-экскурсію з удзелам беларускага блогера Улада Бумагі, паведамляе ТАСС. Праект прадстаўлены на сэрвісе «VK відэа».
Блогер асвятляе гісторыю стварэння дзевяці карцін са збору музея. У іх ліку — «Дзяўчынка з персікамі» Валянціна Сярова, «Сутычка з фінляндскімі кантрабандыстамі» Васіля Худзякова, «Месяцовая ноч на Дняпры» Архіпа Куінджы, «Варажбітка» Міхаіла Урубеля», «Раніца ў сасновым лесе» Івана Шышкіна і іншыя.
Бумага таксама расказвае пра візіты Валянціна Сярова да імператара Мікалая II, падчас якіх жывапісец вёў працу над партрэта самаўладцы.
Кіраўніцтва музея спадзяецца, што аўтарскі маршрут Бумагі «дапаможа маладой аўдыторыі па-новаму зірнуць на музей і, спадзяюся, падштурхне іх да наведвання галерэі, каб ужо ўжывую пазнаёміцца з творамі».
Раней стала вядома, што ва Улада Бумагі не пайшоў бізнэс у Расіі. Ягоная кампанія «Бумажная бумага», якая займалася продажам снэкаў, паведаміла крэдыторам пра намер звярнуцца ў арбітражны суд з заявай аб банкруцтве.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары