Свет1010

У ахоўніка Джарджэску знайшлі 1,5 мільёна даляраў наяўнымі пад паркетам. Яшчэ 7,2 мільёны ён з братам атрымаў з Афрыкі

Былы баец Замежнага легіёна працаваў наёмнікам у Афрыцы і раптам пайшоў у палітыку. У верасні мінулага года, перад выбарамі, ён лётаў у Маскву.

Гарацыу Потра — спінай. Фота romaniajournal.ro

У сераду раніцай румынская пракуратура правяла 47 вобшукаў, расследуючы справу вакол перадвыбарнай кампаніі па падрыхтоўцы да леташніх прэзідэнцкіх выбараў у краіне.

Таксама расследаванне вядзецца па справах аб стварэнні фашысцкай групоўкі і фальсіфікацыі даных аб фінансаванні выбарчай кампаніі Джарджэску, піша Romania Journal.

Пад следствам знаходзяцца 27 чалавек. Сярод іх — былы баец Замежнага легіёна і наёмнік у Афрыцы Гарацыу Потра. Следчыя сцвярджаюць, што ён разам з іншымі ўдзельнікамі Замежнага легіёна заснавалі фашысцкую арганізацыю і падштурхоўвалі да гвалту.

Гарацыу Потра. Фота: фэйсбук

Гарацыу Потра — 55-гадовы ахоўнік Кэліна Джарджэску, былога прарасійскага кандыдата ў прэзідэнты Румыніі. Палітыка затрымалі, а Потра ў краіне зараз няма. Кажуць, што ён выехаў за мяжу некалькі тыдняў таму.

Гарацыу Потра называюць таксама «румынскім Прыгожыным». З пачатку 1990-х гадоў Потра быў у афрыканскіх і арабскіх краінах замежным легіянерам, целаахоўнікам, начальнікам аховы, ваенным інструктарам. Затым узначаліў групу румынскіх наёмнікаў накшталт ПВК «Вагнер».

У Потра дома былі і іншыя вобшукі, у тым ліку па справе аб нявыплаце падаткаў. Па звестках пракуратуры, кампанія, якая кантралюецца братам Потра, нібыта сабрала ў Афрыцы каля 7 200 000 даляраў, але гэтыя грошы ніяк не фігуравалі ў падатковых дэкларацыях.

Грошы і зброя, знойдзеныя ў Потру. Фота: g4media.ro

Джарджэску пры гэтым заяўляў, што на яго выбарчаю кампанію сышлі нулявыя выдаткі. У сувязі з гэтым ва ўладаў паўстаў шэраг падазрэнняў і яны распачалі крымінальную справу.

У Потры пры вобшуку знайшлі 1,5 мільёны даляраў, схаваных пад паркетам. Па паведамленнях румынскіх СМІ, следчыя таксама выявілі зброю і баявую экіпіроўку — камізэлькі, каскі, заплечнікі. Пракуроры кажуць, што ўсяго Потра захоўвае больш за 6 мільёнаў даляраў наяўнымі.

Тайнік Потра. Фота: g4media.ro

Ператрус прайшоў і ў партнёркі Потра, якая, па версіі следства, мае сувязі з кіраўніцтвам у Маскве.

На некалькіх фатаграфіях, якія фігуруюць у расследаванні, партнёрка ахоўніка адлюстраваная побач з чачэнскімі наймітамі. Таксама, паводле інфармацыі следства, Гарацыу Потра быў заўважаны на Краснай плошчы ў Маскве ў верасні мінулага года.

Джарджэску ў фэйсбуку адрэагаваў на вобшукі: «Камуністычна-бальшавісцкая сістэма працягвае свае адыёзныя злоўжыванні!».

Джарджэску перамог у першым туры прэзідэнцкіх выбараў, набраўшы 22.94% галасоў, ён павінен быў пазмагацца за прэзідэнцкі пост у другім туры. Аднак Канстытуцыйны суд скасаваў вынікі першага тура з-за замежнага ўмяшання ў выбарчы працэс. Паводле даных спецслужбаў, за Джарджэску ў тыктоку агітавалі дзясяткі тысяч ботаў, якіх звязваюць з Крамлём.

Каментары10

  • Васіль
    26.02.2025
    Гэта дэмакратыя, ці яшчэ не? Калі вынік кандыдат не падабаецца Брусэлю - яго можна арыштаваць? Цырк на дроце.
  • Так і трэба
    26.02.2025
    Малайцы румыны. Ёсць дэмакратыя, а ёсць нацбяспека. Без другой не будзе першай. Калі не даваць рады крамлёўскім агентам, у Еўропе спачатку будзе хаос, а потым парад прапуцінскіх дыктатур. Расія лезе са сваім свіным рылам ва ўсе выбары ў дэмакратычным свеце -- гэтага ўжо абсалютна відавочна. Чакаем доказы па Джарджэску. А там, мо, і да Альтэрнатывы для Германіі справа дойдзе.
  • Жыгуль
    26.02.2025
    Гэтых прарасейскіх палітыкаў у Еўропе трэба паўсюль шчыміць. Варта толькі патрэсці такога - і з яго як з піньяты пачынаюць сыпацца крывавыя пуцінскія грошы.

Цяпер чытаюць

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць