У Мінск з лекцыяй едзе скандальны «гуру адносін» — падчас аднаго з выступаў ён пабіў жанчыну яе ж сумкай
Блогер Сацья Дас не стрымліваецца ў выразах і паводзінах. Цэны на яго лекцыю немалыя.
Пачнём з адказу на спрадвечнае пытанне чытачоў «Нашай Нівы»: «Хто гэта?!». Шалёна папулярны ў сацыяльных сетках блогер Сацья Дас насамрэч носіць імя Сяргей Якаўлеў (але яму не падабаецца, калі нехта да яго звяртаецца так).
Ён нарадзіўся ва Украіне (у Дняпры). Пасля школы паступіў у тэхналагічны тэхнікум, выбраўшы спецыяльнасць тэхнолага грамадскага харчавання. Потым была армія. Пасля дэмбелю мужчына прачытаў кнігу «Бхагавадгіта» і вырашыў стаць крышнаітам. Ад аднаго з настаўнікаў Сяргей і атрымаў тое імя, якое выкарыстоўвае ў якасці псеўданіма, — Сацья Дас.
А пасля 30 гадоў настаў зорны час мужчыны. Ён вырашыў, што можа вучыць людзей, як правільна трэба жыць: і як адносіны будаваць, і як дзяцей гадаваць.
У рэкламе Сацью Даса часта называюць псіхолагам. Але, наколькі вядома, ён не мае адпаведнага дыплому. На яго сайце пазначана, што мужчына — спецыяліст па сямейных адносінах, папулярны лектар, філосаф і пісьменнік.
Сацья Дас асабліва не стрымліваецца ў выразах, але яго дэманстратыўная нахабнасць прываблівае мільёны прыхільнікаў. На старонку «гуру адносін» у інстаграме падпісаныя 2,2 мільёна чалавек, на суполку ва «Укантакце» — каля 1,5 мільёна.
Дарэчы, сярод фанатаў «гуру адносін» хапае і прыхільнікаў Лукашэнкі. На старонку Сацьі Даса ў інстаграме падпісаныя артысты Алёна Ланская, Ганна Трубяцкая і Іван Зданюк, жонка прапагандыста Ігара Тура, а таксама блогерка-ябацька Юлія Хоміч.
Мабыць, найбольшую славу Сацью Дасу прынёс выступ у расійскім Ноўгарадзе ў 2023 годзе. Тады ён ударыў па галаве жанчыну, якая вырашыла спрачацца з лектарам падчас выступу, яе ж сумачкай.
Нядаўна «Квіткі.бай» пачалі рэкламаваць лекцыю «эксперта па нясумнай сямейнай псіхалогіі». У Мінск Сацья прыездзе ў пачатку красавіка — хоча сабраць Falcon Club Arena. Квіткі каштуюць ад 75 да 247 рублёў, але пакуль што асаблівага ажыятажу не назіраецца — вольных месцаў у зале дастаткова.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра11
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары