Грамадства1919

Блогерка-ябацька лямантуе, што ёй пагражаюць чыноўнікі

«Нават уявіць не магла, што сутыкнуся з такім стаўленнем у Беларусі».

Мітынг за Лукашэнку 16 жніўня 2020 года. «За-баць-ку!» — скандзіравала на ім Юлія Хоміч. Скрын відэа «Наша Ніва»

Што адбылося? Частка праўладных актывістаў (сярод іх даносчыца Вольга Бондарава, мастачка Святлана Жыгімонт, блогер Цімур Прахін) абурыліся некаторымі канцэртамі фестываля «Славянскі базар», угледзеўшы ў праграме ЛГБТ-прапаганду, і ўпікнулі чыноўнікаў, якія такое дапусцілі. Сваімі беспадстаўнымі падазрэннямі яны так дапяклі іншых лукашэнкаўцаў, што тыя раскрытыкавалі іх у адказ. Прапагандыст Рыгор Азаронак нават абвінаваціў прарасійскіх актывістаў у працы на заходнія разведкі.

У гэтым супрацьстаянні дасталася і праўладнай блогерцы, «дзяўчыне ў гарошак» Юліі Хоміч, якой таксама мроілася ЛГБТ-змова.

Ананімны тэлеграм-канал, звязаны з Міністэрствам культуры, рэзка прайшоўся па ёй:

«Юлі як шматдзетнай матулі [трэба] вярнуцца да пліты і заняцца выхаваннем уласных дзетак. А то, не дай Бог, начытаюцца ў цялезе, як матуля і яе сябручкі гаўняюць сваю краіну, і вырастуць змагарамі».

«За «базар» (не «Славянскі», а ўласны, вар'яцкі) адказваць прыйдзецца, братцы-трусікі. І не хацелася б, каб лёсам вашых жа дзяцей», — дадаў аўтар канала.

Хоміч напісала, што гэта пагроза ёй і яе дзецям. «Я доўга маўчала, але калі пагражаюць маім дзецям, я проста не магу маўчаць», — напісала яна капслокам у інстаграме.

«Я супраць усёй ЛГБТ-прапаганды, якую выцягваюць на сцэну і ўсяляк прасоўваюць нашы чыноўнікі Мінкульта. (…) У адказ на абурэнні людзей чыноўнікі вырашылі не прыбіраць праблему, гэта значыць рабіць сваю працу, а пайсці іншым шляхам… Нават уявіць не магла, што сутыкнуся з такім стаўленнем у Беларусі. Але… не на тую напалі»,

— заявіла Хоміч.

Скрыншот інстаграма Юліі Хоміч

Каментары19

  • Так
    17.07.2024
    Ідэйныя нашчадкі Леніна і Сталіна грызуцца, выдатна. Камуністычная руская рэвалюцыя з'ядае сваіх дзяцей.
  • 17.07.2024
    Фильтруй базар , следи за метлой . Блн ука ))
  • бабруйчанін
    17.07.2024
    ??? Маці 4 дзяцей пужае лгбт???)) Якім х. чынам магчыма запужаць маці 4 дзяцей

Беларуска расказвае, як з 15 гадоў жыве з шызафрэніяй19

Беларуска расказвае, як з 15 гадоў жыве з шызафрэніяй

Усе навіны →
Усе навіны

Адвакат латвійскага баскетбаліста Цімы: З расійскага морга яго аддалі голым, без грыму і бальзамацыі1

На працягу двух сутак ЗША прымуць рашэнне аб магчымым далучэнні да ваенных дзеянняў супраць Ірана6

Анколаг Каранік выступіў з дакладам аб захаванні буйной рагатай жывёлы14

Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах7

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?2

Учора вечарам і сёння раніцай у Беларусі назіраліся серабрыстыя аблокі1

На заробкі ў Польшчу цяпер толькі з ДНЖ? Разабраліся, хто можа працаўладкавацца там па новых правілах14

З-пад завалаў шматпавярховіка ў Кіеве ноччу дасталі яшчэ пяць целаў, колькасць загінулых дасягнула 21

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй19

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць