Расія спыніць баявыя дзеянні, толькі калі яе будуць задавальняць вынікі перамоў — Лаўроў
Міністр замежных спраў Расіі Сяргей Лаўроў заявіў на прэс-канферэнцыі ў Турцыі, што Расія, маўляў, гатовая да перамоў і з Украінай, і з Еўропай. Аднак падкрэсліў, што актыўныя баявыя дзеянні Расія завершыць толькі тады, калі вынікі перамоваў будуць яе задавальняць, піша ТАСС.
У той жа час Сяргей Лаўроў адзначыў, што гарантыі таго, што Украіна не ўступіць у НАТА, павінны быць «жалезабетоннымі»:
«Тое, што ўцягванне Украіны ў НАТА з'яўляецца адной з ключавых першапрычын таго, што адбываецца, — у гэтым ніякіх сумневаў няма», — заявіў расійскі міністр.
Раней у Крамлі расказвалі, што чакаюць два асобныя дыялогі ў рамках мірных перамоў — двухбаковы з ЗША і з прыцягненнем Украіны. У той жа час там лічаць, што гаварыць пра ўдзел Еўрапейскага Саюза або Кітая «яшчэ рана».
«Мы гатовыя весці перамовы і з Украінай, і з Еўропай, з любымі прадстаўнікамі, якія ў духу добрай волі хацелі б дапамагаць дасягнуць міру, але баявыя дзеянні мы спынім толькі тады, калі гэтыя перамовы дадуць цвёрды і ўстойлівы вынік, які задавальняе Расійскую Федэрацыю», — сказаў Лаўроў.
Пры гэтым ён следам за Уладзімірам Пуціным заявіў пра «рэаліі на зямлі», якія «несумненна, павінны ўлічвацца».
18 лютага ў сталіцы Саудаўскай Аравіі, горадзе Эр-Рыядзе, адбылася сустрэча паміж амерыканскай і расійскай дэлегацыямі. Пасля перамоў расійскія іх удзельнікі заявілі, што яны прайшлі «нядрэнна» і што каманды Расіі і ЗША «ў свой час» пачнуць кантакты па Украіне. Сяргей Лаўроў тады таксама сказаў, што гэтая сустрэча «дала надзею на нармальны дыялог з ЗША».
Украіна, у сваю чаргу, пратэстуе супраць таго, што яе лёс ЗША і Расія вырашаюць паміж сабой, без яе ўдзелу.
Лаўроў заявіў, што не бачыў трохэтапнага мірнага плану па Украіне
Сталі вядомыя важныя ўмовы для мірнага пагаднення паміж Расіяй і Украінай
Крэмль: Пуцін гатовы да перамоваў з Зяленскім
Зяленскі: Крокам да завяршэння вайны можа стаць вызваленне ўсіх украінскіх палонных
«Рэдказямельныя металы, нафта, і ўсё, што зможам атрымаць»: Трамп заявіў, што яшчэ хоча замест «укладзеных ва Украіну грошай»
«Рэдказямельныя металы, нафта, і ўсё, што зможам атрымаць»: Трамп заявіў, што яшчэ хоча замест «укладзеных ва Украіну грошай»
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары