Rasija spynić bajavyja dziejańni, tolki kali jaje buduć zadavalniać vyniki pieramoŭ — Łaŭroŭ
Ministr zamiežnych spraŭ Rasii Siarhiej Łaŭroŭ zajaviŭ na pres-kanfierencyi ŭ Turcyi, što Rasija, maŭlaŭ, hatovaja da pieramoŭ i z Ukrainaj, i ź Jeŭropaj. Adnak padkreśliŭ, što aktyŭnyja bajavyja dziejańni Rasija zavieršyć tolki tady, kali vyniki pieramovaŭ buduć jaje zadavalniać, piša TASS.
U toj ža čas Siarhiej Łaŭroŭ adznačyŭ, što harantyi taho, što Ukraina nie ŭstupić u NATA, pavinny być «žalezabietonnymi»:
«Toje, što ŭciahvańnie Ukrainy ŭ NATA źjaŭlajecca adnoj z klučavych pieršapryčyn taho, što adbyvajecca, — u hetym nijakich sumnievaŭ niama», — zajaviŭ rasijski ministr.
Raniej u Kramli raskazvali, što čakajuć dva asobnyja dyjałohi ŭ ramkach mirnych pieramoŭ — dvuchbakovy z ZŠA i z pryciahnieńniem Ukrainy. U toj ža čas tam ličać, što havaryć pra ŭdzieł Jeŭrapiejskaha Sajuza abo Kitaja «jašče rana».
«My hatovyja vieści pieramovy i z Ukrainaj, i ź Jeŭropaj, ź lubymi pradstaŭnikami, jakija ŭ duchu dobraj voli chacieli b dapamahać dasiahnuć miru, ale bajavyja dziejańni my spynim tolki tady, kali hetyja pieramovy daduć ćviordy i ŭstojlivy vynik, jaki zadavalniaje Rasijskuju Fiederacyju», — skazaŭ Łaŭroŭ.
Pry hetym jon śledam za Uładzimiram Pucinym zajaviŭ pra «realii na ziamli», jakija «niesumnienna, pavinny ŭličvacca».
18 lutaha ŭ stalicy Saudaŭskaj Aravii, horadzie Er-Ryjadzie, adbyłasia sustreča pamiž amierykanskaj i rasijskaj delehacyjami. Paśla pieramoŭ rasijskija ich udzielniki zajavili, što jany prajšli «niadrenna» i što kamandy Rasii i ZŠA «ŭ svoj čas» pačnuć kantakty pa Ukrainie. Siarhiej Łaŭroŭ tady taksama skazaŭ, što hetaja sustreča «dała nadzieju na narmalny dyjałoh z ZŠA».
Ukraina, u svaju čarhu, pratestuje suprać taho, što jaje los ZŠA i Rasija vyrašajuć pamiž saboj, bieź jaje ŭdziełu.
Łaŭroŭ zajaviŭ, što nie bačyŭ trochetapnaha mirnaha płanu pa Ukrainie
Stali viadomyja važnyja ŭmovy dla mirnaha pahadnieńnia pamiž Rasijaj i Ukrainaj
Kreml: Pucin hatovy da pieramovaŭ ź Zialenskim
Zialenski: Krokam da zaviaršeńnia vajny moža stać vyzvaleńnie ŭsich ukrainskich pałonnych
«Redkaziamielnyja mietały, nafta, i ŭsio, što zmožam atrymać»: Tramp zajaviŭ, što jašče choča zamiest «układzienych va Ukrainu hrošaj»
«Redkaziamielnyja mietały, nafta, i ŭsio, što zmožam atrymać»: Tramp zajaviŭ, što jašče choča zamiest «układzienych va Ukrainu hrošaj»
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary