Zialenski: Krokam da zaviaršeńnia vajny moža stać vyzvaleńnie ŭsich ukrainskich pałonnych
Prezident Ukrainy ličyć, što sihnałam ab miry moža stać vyzvaleńnie ŭsich ukrainskich pałonnych. Ź jahonych słoŭ, Ukraina hatovaja da abmienu «ŭsich na ŭsich». Pra heta Uładzimir Zialenski na mižnarodnym samicie padtrymki Ukrainy, jaki prachodzić u Kijevie z udziełam šerahu partnioraŭ u treciuju hadavinu poŭnamaštabnaha ŭvarvańnia Rasii, piša «Ukrainskaja praŭda».
«Zaviaršeńnie vajny pavinna pačynacca z krokaŭ, jakija adnaŭlajuć davier da samoj situacyi, bo davieru da Rasii niama. I treba situacyi, jakija kažuć pra zaviaršeńnie vajny. Realnaja situacyja. I ciapier takim krokam moža stać vyzvaleńnie pałonnych. Tysiač, mienavita tysiač ludziej, jakija ŭtrymlivajucca ŭ Rasii. I častka ź ich nie tolki z 2022 hoda, a značna raniej jašče z 2014 hoda. Rasija pavinna adpuścić ukraincaŭ. Ukraina hatovaja da abmienu ŭsich na ŭsich i heta spraviadlivy varyjant», — skazaŭ Uładzimir Zialenski.
Adnosna pieramovaŭ, pa słovach Zialenskaha, vajna praciahvajecca suprać Ukrainy i tamu Ukraina pavinna być za stałom pieramovaŭ razam ź Jeŭropaj: «stratehičnaj mišeńniu Rasii źjaŭlajecca mienavita Jeŭropa, jeŭrapiejski ład žyćcia, a značyć jaje biaśpieku i los Jeŭropy nie moža vyznačacca bieź Jeŭropy».
«Ukraina, Jeŭropa razam z Amierykaj my pavinny być za stałom pieramovaŭ nasuprać Rasiei, kab nieabchodnaść miru nie była znoŭ zahavoranaja abiacańniami ab narmalizacyi, pierazahruzcy abo zamireńni», — dadaŭ Zialenski.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje10
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary