Удзельнікі вайны з Украінай, якія вярнуліся з вайны, забілі ў Расіі як мінімум 240 чалавек
Удзельнікі вайны з Украінай забілі ў расійскіх рэгіёнах як мінімум 240 чалавек. Судовую статыстыку да трэцяй гадавіны ўварвання прааналізавала выданне «7х7».
У даследаванне журналістаў трапілі толькі выпадкі, пацверджаныя прысудамі па пяці артыкулах, звязаных з забойствам. Некаторыя справы яшчэ разглядаюцца, яшчэ па некалькіх справах прысуды не апублікаваныя або з іх канфіскаваныя звесткі — так што забітых можа быць больш, адзначаюць журналісты.
За час вайны расійскія суды вынеслі 225 даступных для аналізу прысудаў аб забойствах, здзейсненых асобамі, якія вярнуліся з фронту. Ахвярамі ўдзельнікаў уварвання сталі жыхары 62 рэгіёнаў Расіі. Больш за ўсё забітых у Краснадарскім краі і ў Кастрамской вобласці — па 14 чалавек.
Дванаццаць чалавек загінулі ад рук тых, хто вярнуўся з вайны ва Украіне, у Растоўскай вобласці, дзесяць — у Забайкальскім краі, дзевяць — у Краснаярскім краі, па восем — у Валгаградскай вобласці і Пермскім краі.
Ахвярамі франтавікоў становяцца не толькі іх родныя і знаёмыя, але і выпадковыя людзі: дзеці, пенсіянеры, мінакі.
Разам з артыкулам пра забойствы абвінавачаным ставяць у віну сярод іншага артыкулы аб згвалтаванні і рабаванні. Удзел у вайне з Украінай суды залічваюць як змякчальную акалічнасць, а атрыманыя там узнагароды і граматы — як прыкмету добрай рэпутацыі.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам14
Каментары