Агент Дудкін расказаў, як даваў КДБ справаздачы пра Латушку і магілёўскіх студэнтаў
Дудкін тлумачыць, што не хацеў браць грошы за працу, але кадэбісты настойвалі, каб ён браў па $20 у эквіваленце і распісваўся аб атрыманні грошай.
Сярод тых, на каго пісаў даносы адзін з лідараў партыі БХД Яўген Дудкін, быў Павел Латушка, які на той час займаў пасаду міністра культуры Беларусі.
Агент КДБ Дудкін сарамліва заўважыў, што не называў бы гэта даносам. «Хутчэй за ўсё, [гэта] інфармацыя аб тым, што адбываецца», — расказаў ён «Еўрарадыё».
«Быў 2012 год. Латушка быў у нас у [магілёўскім] ўніверсітэце. Я яму задаваў пытанні. Пытанні былі не спецыяльныя [падрыхтаваныя КДБ]. У мяне асабістае пытанне пра каралеўскі палац у Гродне.
Але памятаю, што ў мяне пыталася КДБ, ці сапраўды Павел Латушка быў завербаваны польскімі спецслужбамі? Ці я падазраю [яго ў гэтым]? Я сказаў, што сумняюся, што ён завербаваны».
Дудкін тады сказаў КДБ, што беларуская мова Латушкі і яго акцэнт дапамагаюць узмацненню польска-беларускіх адносін.
Дудкін прызнаецца, што ў яго справаздачах у КДБ маглі фігураваць студэнты. «Ці ёсць гэтыя людзі радыкаламі, якія могуць здзейсніць злачынства? Ці могуць яны быць завербаваныя [у будучыні]?» — такія пытанні ставіла перад ім КДБ. Аднак называць прозвішчы агент адмовіўся.
Дудкін расказаў, што не хацеў браць грошы за працу, але кадэбісты настойвалі, каб ён браў па $20 у эквіваленце і распісваўся аб атрыманні грошай.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары
Ідзіце, як Дудкін у паліцыю, і раскрывайце інфу пра дзейнасць КДБ за мяжой.
Першым быць заўсёды цяжка. Яўген Дудкін прыняў на сябе такі ўдар: быць першым, хто саскочыць з супрацы.
Першым заўсёды цяжэй. На іх больш за ўсё выльецца гнева. Астатнім будзе лягчэй прайсці гэты шлях адмовы супрацы з КДБ.