Рымашэўскі: Рытарычнае пытанне, колькі яшчэ будзе выяўлена агентаў спецслужбаў з суполкі Дзмітрука. Але гэта не БХД
Пасля публікацыі артыкула на «Нашай Ніве» пра тое, што адзін з лідараў партыі БХД Яўген Дудкін аказаўся агентам КДБ, з рэдакцыяй асобна пагутарыў Віталь Рымашэўскі.
«Яўген Дудкін, які належыць да суполкі Георгія Дзмітрука, ніякага дачынення да БХД не мае (ні да аргкамітэта па стварэнні партыі БХД, якая працягвае працаваць унутры краіны, ні да фракцыі беларускіх хрысціянскіх дэмакратаў у Каардынацыйнай радзе, ні да іншых ініцыятыў хрысціянскіх дэмакратаў).
Георгій Дзмітрук быў выключаны з партыі БХД у 2022 годзе. З таго часу ён на розных пляцоўках і СМІ спрабуе выдаць сваю групу з сямі чалавек за прадстаўнікоў беларускіх хрысціянскіх дэмакратаў. Яны зарэгістравалі сваю фундацыю, якая называецца БХД. Для чаго яны гэта зрабілі, мне складана сказаць. Але ўсё, што рабіла гэтая суполка з сямі чалавек цягам апошніх двух гадоў — гэта адны правакацыі і нападкі ў дачыненні да беларускіх хрысціянскіх дэмакратаў.
Паглядзіце публікацыі Яўгена Дудкіна, ён не раз накідваўся персанальна на мяне і на іншых сябраў БХД. Гэтак сама рабіў Дзмітрук. Канструктыўнай дзейнасці я ад іх не бачыў, яны толькі атакуюць нас. Так праз дзейнасць агентаў КДБ свядома дыскрэдытуюцца ўсе хрысціянскія дэмакраты», — абазначыў палітык.
Раней мы пісалі пра разборкі ў партыі, у выніку якіх атрымаліся розныя адгалінаванні. Віталь Рымашэўскі падкрэслівае, што Яўген Дудкін і Георгій Дзмітрук ніякага дачынення да сапраўдных беларускіх хрысціянскіх дэмакратаў не маюць.
«Я нагадаю, што ў спісе [ «Салідарнасць»] на выбары ў КР, у якім таксама ішлі Дудкін і Дзмітрук, які яны склалі разам с сацыял-дэмакратамі Яўгена Вільскага, толькі там былі выяўленыя стукачы і даносчыкі, супрацоўнікі беларускіх спецслужбаў, якія даносілі на пратэстоўцаў. Яўген Дудкін — яшчэ адзін чалавек, які быў у гэтым спісе, але не быў выяўлены «Кіберпартызанамі». Вось выяўлены спецслужбамі цяпер. Застаецца рытарычнае пытанне, колькі яшчэ з суполкі Дзмітрука далей будзе выяўлена агентаў спецслужбаў», — пракаментаваў «Нашай Ніве» спікер фракцыі Беларускіх хрысціянскіх дэмакратаў у КР.
Разборкі ў БХД: перасвараныя партыйцы выганяюць адно аднаго з арганізацыі
Партыя, ад якой у КР ішло найбольш агентуры, заявіла пра непрызнанне Ціханоўскай. А пасля аспрэчыла гэта
Двое сяброў «Народнай грамады» пісалі даносы ў КДБ. Хто яны і як тлумачаць сітуацыю?
Пяць «інсайдаў» пра апазіцыю, якія можна даведацца з інтэрв’ю на АНТ даносчыцы Цішкевіч
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне1
Каментары