Туск паабяцаў Орбану «наступствы», калі ён будзе блакаваць санкцыі супраць Расіі
Прэм'ер-міністр Польшчы Дональд Туск прыгразіў свайму венгерскаму калегу Віктару Орбану «наступствамі», калі той будзе блакаваць санкцыі Еўрапейскага саюза супраць Расіі. Пра гэта ён напісаў на сваёй старонцы ў Х.
«Калі Орбан сапраўды заблакуе еўрапейскія санкцыі ў ключавы для вайны момант, будзе абсалютна зразумела, што ў гэтай вялікай гульні за бяспеку і будучыню Еўропы ён гуляе ў камандзе Пуціна, а не ў нашай. З усімі наступствамі гэтага факту», — напісаў Дональд Туск.
Раней Віктар Орбан заяўляў, што Брусэль павінен адаптавацца да «новай сітуацыі» і скасаваць санкцыі супраць Расіі.
«Надышоў час нам выкінуць санкцыі з акна і ўсталяваць безсанкцыйныя адносіны з расіянамі. Гэта крыху далёка, але нам трэба над гэтым папрацаваць», — заявіў ён.
На думку венгерскага прэм'ера, небяспека вайны «значна адыдзе» з прэзідэнцтвам Трампа, а вось наступнай «самай вялікай крыніцай небяспекі» нібыта з'яўляюцца цэны на энерганосьбіты. Таксама Орбан заяўляў, што антырасійскія абмежаванні не спынілі вайну і не пашкодзілі расійскай эканоміцы.
Орбан запатрабаваў ад ЕС дамагчыся аднаўлення транзіту газу праз Украіну
Венгрыя і Славакія адмаўляюцца падпісваць супольную заяву Еўрасаюза адносна выбараў у Беларусі
ЕС выкарыстае караля Бельгіі і закон 1944 года, каб не даць Орбану размарозіць расійскія рэзервы
Орбан лічыць, што вайна скончыцца ў 2025 годзе, і прапануе Украіне два сцэнары
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары
Mam już trochę lat i porównanie jak było za ZSRR takiego bajzlu jak jest teraz nie było