Tusk paabiacaŭ Orbanu «nastupstvy», kali jon budzie błakavać sankcyi suprać Rasii
Premjer-ministr Polščy Donald Tusk pryhraziŭ svajmu vienhierskamu kalehu Viktaru Orbanu «nastupstvami», kali toj budzie błakavać sankcyi Jeŭrapiejskaha sajuza suprać Rasii. Pra heta jon napisaŭ na svajoj staroncy ŭ Ch.
«Kali Orban sapraŭdy zabłakuje jeŭrapiejskija sankcyi ŭ klučavy dla vajny momant, budzie absalutna zrazumieła, što ŭ hetaj vialikaj hulni za biaśpieku i budučyniu Jeŭropy jon hulaje ŭ kamandzie Pucina, a nie ŭ našaj. Z usimi nastupstvami hetaha faktu», — napisaŭ Donald Tusk.
Raniej Viktar Orban zajaŭlaŭ, što Brusel pavinien adaptavacca da «novaj situacyi» i skasavać sankcyi suprać Rasii.
«Nadyšoŭ čas nam vykinuć sankcyi z akna i ŭstalavać biezsankcyjnyja adnosiny z rasijanami. Heta krychu daloka, ale nam treba nad hetym papracavać», — zajaviŭ jon.
Na dumku vienhierskaha premjera, niebiaśpieka vajny «značna adydzie» z prezidenctvam Trampa, a voś nastupnaj «samaj vialikaj krynicaj niebiaśpieki» nibyta źjaŭlajucca ceny na enierhanośbity. Taksama Orban zajaŭlaŭ, što antyrasijskija abmiežavańni nie spynili vajnu i nie paškodzili rasijskaj ekanomicy.
Orban zapatrabavaŭ ad ES damahčysia adnaŭleńnia tranzitu hazu praz Ukrainu
Vienhryja i Słavakija admaŭlajucca padpisvać supolnuju zajavu Jeŭrasajuza adnosna vybaraŭ u Biełarusi
ES vykarystaje karala Bielhii i zakon 1944 hoda, kab nie dać Orbanu razmarozić rasijskija reziervy
Orban ličyć, što vajna skončycca ŭ 2025 hodzie, i prapanuje Ukrainie dva scenary
Kamientary
Mam już trochę lat i porównanie jak było za ZSRR takiego bajzlu jak jest teraz nie było