Orban zapatrabavaŭ ad ES damahčysia adnaŭleńnia tranzitu hazu praz Ukrainu
Premjer-ministr Vienhryi zapatrabavaŭ ad Jeŭrasajuza prymusić Ukrainu adnavić tranzit rasijskaha hazu. Jon pryhraziŭ zabłakavać padaŭžeńnie sankcyj ES suprać Rasii, kali heta nie budzie zroblena, paviedamlaje Radyjo Svaboda.
Viktar Orban. Fota Thanassis Stavrakis, AP
«Ja daručyŭ svaim kaleham prajavić ćviordaść: skazać Brusielu, što ŭkraincy pavinny adnavić hazavy tranzit. Heta nie tolki intares Vienhryi, ale i ahulnajeŭrapiejskaje pytańnie, asabliva dla Centralnaj Jeŭropy», — zajaviŭ Orban u efiry radyjostancyi Kossuth. «Akramia taho, ukraincy pavinny spynić napady na infrastrukturu, praź jakuju Vienhryja ciapier atrymlivaje enierharesursy».
Pavodle słoŭ Orbana, jon taksama zapatrabavaŭ, kab Kijeŭ nie pieraškadžaŭ tranzitu nafty. Jon nazvaŭ spynieńnie tranzitu enierharesursaŭ «surjoznaj ryzykaj» dla enierhazabieśpiačeńnia Vienhryi.
Orban adznačyŭ, što Budapiešt straciŭ 19 miljardaŭ jeŭra z-za sankcyjnaj palityki ES adnosna Rasii. «Vienhryja nie padtrymlivaje sankcyi, ale my nie nakładali vieta na ich, kab nie padryvać adzinstva Jeŭropy», — zajaviŭ jon, nie zhadaŭšy cisk Jeŭrasajuza na krainu.
«Naša prablema ŭ tym, što naša ekanomika hublaje z-za sankcyj siem z pałovaj miljardaŭ foryntaŭ. U toj ža čas Ukraina, jakaja vyjhraje ad sankcyj, błakuje nam pastaŭki hazu. Heta niedapuščalna», — padkreśliŭ vienhierski premjer.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
Ukraina bolšie nie budiet finansirovať ubijstva ukrainskich sołdat i mirnych žitielej, razrušienije ciełych ukrainskich horodov.