Свет55

ЕС выкарыстае караля Бельгіі і закон 1944 года, каб не даць Орбану размарозіць расійскія рэзервы

Прэм'ер-міністр Венгрыі Віктар Орбан паставіў пад пагрозу працяг санкцый супраць Расіі ў канцы студзеня. З прыходам адміністрацыі Дональда Трампа іх трэба адмяніць, лічыць ён. Такая пагроза прымусіла Брусэль распрацоўваць планы па выратаванні хаця б часткі абмежавальных мер, піша The Moscow Times.

Віктар Орбан. Фота: Thanassis Stavrakis / AP

«Прыйшла пара адкінуць санкцыі і пабудаваць безсанкцыйныя адносіны з рускімі», — заявіў Віктар Орбан у пятніцу на дзяржаўным радыё.

Адміністрацыя Трампа збіраецца пачаць з наступнага тыдня «новую эпоху», і ў ЕС пойдзе «пару месяцаў» на тое, каб змяніць сваю пазіцыю па санкцыях, мяркуе Орбан. Ён не сказаў, што накладзе вета на іх працяг, калі 31 студзеня скончыцца чарговы паўгадавы тэрмін. Але ў снежні вугорскі лідар папярэдзіў калег па ЕС, што не гатовы аднаўляць санкцыі: ён чакае інаўгурацыі Трампа, і калі той наважыцца змякчыць іх, то ён, Орбан, будзе намагацца, каб Брусэль пайшоў следам за Вашынгтонам.

Паколькі працяг санкцый патрабуе аднагалоснага ўхвалення лідарамі ўсіх краін ЕС, дэмарш Орбана, калі ён на яго наважыцца, аўтаматычна прывядзе да скасавання мераў — ад нафтавага эмбарга і сектаральных санкцый да замарозкі валютных рэзерваў. Таму ў Брусэлі сталі шукаць спосабы захаваць хаця бы некаторыя рычагі ціску на Расію — прынамсі, не даць ёй вярнуць 190 млрд еўра, якія знаходзяцца ў дэпазітарыі Euroclear, піша Financial Times.

Для гэтага давядзецца выкарыстаць нацыянальныя абмежаванні. Паколькі фізічна актывы захоўваюцца ў бельгійскай кампаніі, адным з запасных варыянтаў з'яўляецца выкарыстанне ваеннага дэкрэта, прынятага ў 1944 годзе, расказалі газеце чатыры чыноўнікі, якія ўдзельнічаюць у абмеркаванні. Ён дазваляе каралю Філіпу блакаваць вывад актываў з краіны. У прэс-службе караля Бельгіі заявілі, што пастанову аб дэкрэце прымае ўрад, але манарх павінен будзе яго падпісаць.

Актывы ў Euroclear складаюць большую частку заблакаваных заходнімі краінамі валютных рэзерваў Расеі (каля $300 млрд). Даход ад іх выкарыстоўваецца ў якасці закладу па крэдытах на $50 млрд, якія краіны «Вялікай сямёркі» і ЕС вырашылі даць Украіне. Актывы патрэбныя, каб на працягу дзясятка гадоў атрымліваць даходы, з якіх будуць пагашацца выдадзеныя крэдыты.

Але ў выпадку адмены санкцый «грошы апынуцца ў Расіі на наступны ж дзень», паколькі ў фінансавых пасярэднікаў не будзе законных падстаў іх утрымліваць, сказаў FT адзін з чыноўнікаў. «Я сур'ёзна гэтым занепакоены, і іншыя таксама павінны турбавацца, — сказаў высокапастаўлены дыпламат ЕС, які вядзе рэгулярныя перамовы з венгерскімі чыноўнікамі. — Імавернасць таго, што Орбан не прагнецца, вялікая».

«Цяпер у адміністрацыі ЗША адбываюцца значныя змены… павінен адбыцца змястоўны абмен думкамі, перш чым мы вырашым працягнуць рэжым санкцый яшчэ на шэсць месяцаў, — заявіў у чацвер журналістам Янаш Бока, міністр па справах ЕС Венгрыі. — Мы хочам адкласці нашу пастанову датуль, пакуль не даведаемся, як адміністрацыя ЗША бачыць будучыню санкцыйнага рэжыму».

Скот Бесэнт, кандыдатуру якога Трамп прапанаваў на пасаду міністра фінансаў ЗША, на слуханнях у Сенаце ў чацвер выказаўся за ўзмацненне жорсткасці санкцый супраць Расіі з мэтай прымусіць Уладзіміра Пуціна да перамоў па Украіне. Дарадцы Трампа распрацоўваюць маштабную санкцыйную стратэгію, закліканую спрыяць дасягненню дыпламатычнага пагаднення паміж Расіяй і Украінай, паведаміў Bloomberg.

Адзін з двух падыходаў сапраўды прадугледжвае змякчэнне санкцый супраць расійскіх нафтавытворцаў, калі гэта дапаможа дасягнуць мірнай дамоўленасці. Але другі варыянт заключаецца ва ўзмацненні строгасці санкцый з мэтай узмацніць ціск на Маскву.

Каментары5

  • Барадзед
    17.01.2025
    Кремль определенно платит Орбану. Где Орбан прячет эти деньги?
  • Во дзе
    17.01.2025
    Барадзед, прячет там где и курощуп - на арабских счетах
  • Галя з Камароўкі
    17.01.2025
    Венгрыя, Вугоршчына, венгерскі, вугорскі - НН, як мне, народжанай пры ссср тетцы, вывучыць нашу мову? У школе я вывучала "наркомаўку", сярод сваіх размаўляла на "трасянцы", да незнаемых звярталася на чыста расейскай. І вішанка на торце: ЭС - гэта што?

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?2

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Беларускі фермер раскладаў вогнішчы на полі, каб выратаваць клубніцы2

Выбары ў Польшчы: па выніках першых экзіт-полаў лідзіруе Рафал Тшаскоўскі — але на долі працэнта29

Зяленскі: У аперацыі «Павуцінне» былі выкарыстаны 117 дронаў7

Саліст расійскай групы «Руки вверх» адкрые ў Мінску свой бар13

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі32

У Белым доме не ведалі пра падрыхтоўку Украінай спецаперацыі «Павуцінне»6

Каля расійскага аэрадрома, які не трапіў пад удар СБУ, згарэла фура4

Расійскае Мінабароны пракаментавала атаку СБУ па сваіх аэрадромах13

Сярод прапаноў Украіны на перамовах у Стамбуле — сустрэча Зяленскага з Пуціным2

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?2

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць