Венгрыя і Славакія адмаўляюцца падпісваць супольную заяву Еўрасаюза адносна выбараў у Беларусі
Прадстаўнікі Венгрыі і Славакіі не спяшаюцца падпісваць супольны зварот краін-членаў Еўрапейскага саюза адносна непрызнання прэзідэнцкіх выбараў, якія маюць прайсці ў Беларусі 26 студзеня. Гэта вынікае з інфармацыі, якую еўрапейскі рэдактар «Радыё Свабода/ Радыё Свабодная Еўропа» Рыкард Юзвяк атрымаў ад вартых даверу крыніц у Брусэлі, піша «Радыё Свабода».
У ранняй версіі праекту заявы, які «Радыё Свабода» мае ў распараджэнні, ішла гаворка пра «недэмакратычныя прэзідэнцкія выбары» ў Беларусі.
«Няўмольны і беспрэцэдэнтны ўзровень рэпрэсій, парушэнні правоў чалавека, абмежаванне палітычнага ўдзелу і доступу да незалежных СМІ ў Беларусі пазбавілі выбарчы працэс любой легітымнасці», — гаварылася ў праекце заявы, якую рыхтуе Еўрапейская служба знешніх спраў.
Таксама ў дакуменце акцэнтавалася ўвага на далейшай падтрымцы беларускага народа, дэмакратычных сіл і грамадзянскай супольнасці, гучаў заклік да правядзення свабодных выбараў і вызвалення ўсіх палітзняволеных.
Паводле інфармацыі «Радыё Свабода», Венгрыя і Славакія адмовіліся падпісваць першую версію праекту заявы ад імя 27 краін — сябраў Еўрасаюза. Не выключана, што яны адмовяцца ад подпісу і пад фінальнай версіяй.
Гэтыя дзве краіны неаднойчы выступалі супольна супраць пашырэння санкцый супраць Расіі, павелічэння еўрапейскай дапамогі Украіне і інш.
22 студзеня прадстаўнік Міністэрства замежных спраў Беларусі Анатоль Глаз выступіў з заявай, у якой назваў «найгрубейшым умяшаннем у электаральныя працэсы суверэннай дзяржавы» праект заявы Еўрапейскай службы знешніх спраў, якую яна плануе зрабіць па выніках выбараў 26 студзеня і якая нібыта «трапіла ў распараджэнне МЗС».
ЕС выкарыстае караля Бельгіі і закон 1944 года, каб не даць Орбану размарозіць расійскія рэзервы
Кіраваць Аўстрыяй найхутчэй стане ўльтраправая і пракрамлёўская партыя, заснаваная нацыстамі
«Камусьці тут трэба даць тры аплявухі». Фіца выказаўся пра падлетка, які не паціснуў руку прэзідэнту Славакіі
Прэм'ер Славакіі пасля паездкі да Пуціна паехаў адпачываць у шыкоўны в'етнамскі гатэль
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве42
Каментары