Абраны прэзідэнт ЗША Дональд Трамп, які заступіць на пасаду 20 студзеня, абвясціў у чацвер аб прызначэнні трох спецыяльных пасланнікаў, мэтай якіх будзе прасоўванне бізнесу ў Галівудзе.
У заяве, якую ён апублікаваў на сваёй платформе Truth Social, Трамп паведаміў, што для яго з'яўляецца вялікім гонарам прызначыць акцёраў Джона Войта, Мэла Гібсана і Сільвестра Сталонэ на пасадзе спецыяльных паслоў.
«Яны будуць служыць пры мне ў якасці спецыяльных пасланнікаў з мэтай вярнуць Галівуд, які за апошнія чатыры гады страціў шмат бізнэсу з-за замежных дзяржаў, — больш, лепш і мацней, чым калі-небудзь раней!» — напісаў палітык.
Трамп дадаў, што «гэтыя тры вельмі таленавітыя людзі будуць маімі вачыма і вушамі, і я зраблю тое, што яны прапануюць».
Ён таксама выказаў надзею, што іх намаганні прывядуць да «Залатога веку Галівуда» і ўмацуюць становішча ЗША ў цэлым.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары