«Самае жудаснае віншаванне за ўвесь час!» Ганна Бонд у шаленстве ад навагодняй рассылкі банка
Блогерка Ганна Бонд у інстаграме паскардзілася на тое, як Альфа-Банк раззлаваў яе напярэдадні Новага года. Блогерцы даслалі інфармацыю пра тое, колькі грошай яна патраціла за год. А гэта зусім не тое, што хочаш ведаць перад святамі.
Калі Ганна пабачыла суму сваіх выдаткаў за год, то ашалела. А потым у яе з’явіліся не самыя прыемныя думкі наконт таго, куды ж падзелася столькі грошай.
— Яшчэ даслалі: «А калі б вы карысталіся нашымі партнёрамі, маглі б зарабіць 4700 бонусаў». Навошта мне гэта ведаць?! Я вельмі раззлавалася. Даслаць мне пад Новы год суму, якую я патраціла! Мне, б**дзь, дрэнна стала — адкуль я столькі грошай магла патраціць і куды?!
Раззлаваная блогерка адзначыла, што лепш бы банк даслаў нейкага мядзведзіка, чым справаздачу аб выдатках. Яна таксама дадала, што цэлы дзень не магла супакоіцца пасля рассылкі. «Самае жудаснае віншаванне за ўвесь час!» А жаданне ў выніку адно — скараціць выдаткі. Бо грошай у 2024 годзе Ганна патраціла сапраўды зашмат.
— Які ідыёт у вас гэта прыдумаў? І гэта была іконка, якую я не магла абысці, яе трэба было абавязкова адкрыць. А яшчэ сотні людзей мне напісалі з аналагічным настроем. Калі мне трэба будзе паглядзець раздрукоўку, дык я сама зайду і пагляджу, лагічна ж. Дзякуй, што прымусілі задумацца над выдаткамі, але па-добраму трэба з вамі развітацца.
У якасці прыкладаў Ганна выклала ў сторыс скрыншоты Альфа-Банка, якія ёй даслалі падпісчыкі.
— Навошта выклікаць у людзей пачуццё віны? Вы там з глузду з'ехалі? Ці студэнтаў набралі?
Блогерка згадала банку і іншую крыўду — калі яна не магла расплаціцца ў Вільні іх карткай.
А скончыла тым, што так настрой напярэдадні Новага года ёй не псаваў яшчэ ніхто і ніколі.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых66
Каментары