Арцём Мілеўскі абверг чуткі пра сваё затрыманне па справе дамоўных гульняў у кіберспорце
Былы ўкраінскі футбаліст беларускага паходжання Арцём Мілеўскі пракаментаваў для сайта Sport-express.ua чуткі адносна таго, што ён нібыта сярод затрыманых па справе арганізатараў дамоўных гульняў, пра якую сёння паведамілі ўкраінскія праваахоўнікі.
Калі інфармацыя пра датычнасць да справы Мілеўскага стала шырыцца ва ўкраінскіх тэлеграм-каналах і СМІ, рэдактар сайта Sport-express.ua Андрэй Піскун патэлефанаваў Арцёму Мілеўскаму. Той, як паведамляецца, быў у шоку.
«Прачытаў, што мяне затрымалі. А на колькі пасадзілі, не напісалі? А калі сур'ёзна, то мяне вар'ююць такія непрафесіяналы-пад**асы. Гэта фота з ператрусу, які быў праведзены яшчэ ў верасні ў доме, які я арандаваў. Я там ужо не жыву. На фота нават трава зялёная! Ім што, павылазіла?!»
Што да бягучага моманту, то з ім нібыта ўсё цудоўна:
«У мяне цяпер усё ў парадку. Я пераехаў са сваёй дзяўчынай у новую кватэру. Тут, дзякуй богу, ніякіх ператрусаў няма. Маё імя дагэтуль не дае спакою розным аферыстам. Не здзіўлюся, калі заўтра напішуць, што я забойца», — сказаў Мілеўскі, які цяпер з'яўляецца гуляючым трэнерам клуба ўкраінскай медыя-лігі «Ігніс».
Ва Украіне выкрылі групу, якая зарабляла на дамоўных гульнях. Адзін з фігурантаў — футбаліст Арцём Мілеўскі
Футбаліст Арцём Мілеўскі расказаў, як патрапіў у кому
«Я беларус, мы заўсёды размаўлялі па-руску». Арцём Мілеўскі паразважаў пра ўкраінскую мову і злавіў хейт
Украінска-беларускі футбаліст Арцём Мілеўскі, стан якога хваляваў заўзятараў, апублікаваў свае новыя фоты
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары