Свет11

Што свет думае пра вайну ва Украіне цяпер? Карта пазіцый краін

Амерыканскае выданне Newsweek падрыхтавала дэталёвую карту, якая адлюстроўвае цяперашні глабальны баланс сіл у пытанні падтрымкі Украіны. Вось як на гэты момант падзелены свет.

Фота: AP

За амаль тры гады вайны ва Украіне ўсё больш краін становяцца ўскосна ці непасрэдна ўцягнутымі ў канфлікт, а сам ён працягвае заставацца ў цэнтры сусветнай увагі, піша выданне Newsweek.

На аснове цяперашняй геапалітычнай абстаноўкі выданне падрыхтавала карту, дзе адлюстраваныя актуальныя пазіцыі краін свету датычна вайны ва Украіны і падтрымкі таго ці іншага боку канфлікта.

Краіны Захаду, уключаючы ЗША і Еўрапейскі саюз, а таксама Вялікабрытанія і Канада на сённяшні дзень застаюцца галоўнымі саюзнікамі Украіны ў вайне супраць Расіі — усе яны не толькі асуджаюць дзеянні Масквы, але і працягваюць падтрымліваць Кіеў фінансава, палітычна і вайскова.

Разам з імі ў спіс вайсковых пастаўшчыкоў Украіны, паводле Newsweek, уваходзяць Аўстралія, Новая Зеландыя, Беліз (знаходзіцца ў Цэнтральнай Амерыцы) і нават Судан, дзе ідзе актыўная грамадзянская вайна (улады краіны пастаўляюць Кіеву зброю наўзамен на дапамогу ў барацьбе з прарасійскімі суданскімі групоўкамі).

Многія краіны Паўднёвай Амерыкі, Паўночнай Афрыкі і Азіяцка-Ціхаакіянскага рэгіёна працягваюць асуджаць расійскае ўварванне ва Украіну і аказваць гуманітарную дапамогу (з гэтых краін таксама ідуць дабраахвотнікі).

Карта пазіцый краін свету па вайне ва Украіне па стане на сёння. Крыніца: Newsweek / Flourish

У той жа час Расія ў вайсковым плане разлічвае на Беларусь, Іран, Ірак і КНДР.

Пры гэтым выданне Newsweek не стала ўключаць у спіс расійскіх вайсковых пастаўшчыкоў Кітай, хоць ён і вырабляе для Расіі спецыяльныя вайсковыя беспілотнікі і перадае Беларусі дэталі для ракет і бомбаў, якія потым выкарыстоўваюцца расійскай арміяй супраць Украіны.

Дыпламатычную падтрымку і наймітаў Расія атрымлівае ад Канфедэрацыі Сахеля (Малі, Нігер, Буркіна-Фасо), Нікарагуа, Венесуэлы, Туркменістана, Сірыі, Мьянмы і іншых аўтарытарных краін.

Каментары1

  • Гигин
    30.11.2024
    Беларусь опять в одном ряду с убогими.

Цяпер чытаюць

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Усе навіны →
Усе навіны

«Загрузка ўпала, заказаў менш». Работнікаў прадпрыемства ў Рэчыцы сталі адпраўляць у адпачынкі без аплаты4

Чаму вучэнні «Захад-2025» вырашылі правесці ў цэнтры краіны, а не каля межаў НАТА — меркаванне ўкраінскага палітолага4

Прарасійскія надпісы на целе ўкраінскага вайскоўца выразаў хірург падчас аперацыі4

Каля берагоў Канады заўважылі рэдкі чорны айсберг1

Замест вайны сланы ў новай кнізе Сашы Філіпенкі. І Масква11

ЦАХАЛ загадаў жыхарам аднаго з раёнаў Тэгерана эвакуявацца. Зруйнуюць будынак дзяржаўнага тэлебачання3

ЗША перакідаюць на Блізкі Усход другі авіяносец і дзясяткі самалётаў8

«Прадалі 1647 купюр за 3 дні». Ажыятаж вакол памятнай банкноты Нацбанка не сціхае3

Стала вядома яшчэ пра аднаго беларуса, які ваяваў на баку Расіі і трапіў у палон1

больш чытаных навін
больш лайканых навін

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Галоўнае
Усе навіны →

Заўвага:

 

 

 

 

Закрыць Паведаміць