Папярэдняя прычына падзення самалёта ў Вільні — «тэхнічнае пытанне». Пра гэта паведаміў кіраўнік Нацыянальнага цэнтра крызіснага кіравання Вілмантас Віткаўскас тэлеканалу LRT.
Фота: Delfi.lt
Вілмантас Віткаўскас дадаў, што дакладную прычыну вызначаць эксперты.
Таксама ён удакладніў, што самалёт упаў не на дом, як паведамлялася раней, а побач з ім. Пасля падзення ўспыхнуў пажар, з дома эвакуявалі 12 чалавек.
«Дзякуючы шчасліваму збегу абставінаў, нам удалося пазбегнуць тут ахвяр», — сказаў ён.
Крушэнне самалёта адбылося раніцай 25 лістапада. Вядома, што ён належыць авіякампаніі SWIFT Air. Самалёт быў арандаваны DHL і ляцеў з Ляйпцыга.
На борце знаходзіліся чатыры чалавекі — два пілоты і два работнікі кампаніі. Адзін з пілотаў загінуў.
Каментары