Пасля завяршэння будаўніцтва памежнага плота на латвійска-беларускай мяжы даўжынёй каля 145 кіламетраў цяпер заканчваюцца работы па яго інфраструктурнаму абсталяванню. Пра гэта паведамілі на пасяджэнні Камітэта па наглядзе за будаўніцтвам інфраструктуры знешняй мяжы, піша Delfi.lv.
Таксама на латвійска-беларускай мяжы пабудаваныя патрульныя дарожкі для перамяшчэння транспартных сродкаў даўжынёй 63,85 км. Патрульныя дарожкі з насцілу збудаваныя на 18,53 км, а пантонныя дарожкі — на 1,75 км. Іх будаўніцтва, як паведамляецца, будзе працягвацца да канца года на ўсім працягу мяжы ў 173 км.
У той жа час на ўчастку каля Дзвіны на латвійска-беларускай мяжы працягваецца ўстаноўка шасці металічных вежаў сувязі, пад'язных дарог і патрульнай дарожкі даўжынёй 16,7 км.
Распачатыя таксама будаўнічыя работы па ўзвядзенні пяці вежаў сувязі і пад'язных дарог да іх, якія таксама плануецца завяршыць да канца года.
Пабудаваныя вежы і дарогі забяспечаць назіранне за мяжой Латвіі на ўчастку каля Даўгавы.
Дуда і Туск у Сейме паспрачаліся пра беларусаў: прэзідэнт абвінаваціў прэм'ера ў тым, што ён хоча пазбавіць іх права на прытулак
«Калі чуеш свіст куляў над галавой, гэта не надта прыемна». Былы палітвязень — пра няўдалыя ўцёкі за мяжу
Улады Польшчы бяруцца ставіць на мяжы з Беларуссю «Усходні шчыт»
Літва ўзводзіць непадалёк ад мяжы з Беларуссю вайсковы гарадок
Цяпер чытаюць
Лукашэнка сустракаецца са спецпасланнікам Трампа Кітам Келагам1
Каментары