СМІ адзначаюць дзіўнае падабенства былога і новага лідараў групоўкі: яны падобныя фігурай, знешнасцю і нават лёгкай шапялявасцю.
Ліванская тэрарыстычная групоўка «Хезбала» абрала новым генеральным сакратаром арганізацыі Хашэма Сафі ад-Дзіна, перадаюць арабскія СМІ. Сама групоўка пра новага лідара не паведамляла, піша Расійская служба Радыё Свабода.
Ад-Дзіну — 60 гадоў. Ён адзін з сузаснавальнікаў «Хезбалы», займаў пасаду кіраўніка выканаўчага камітэта. Ад-Дзіна называюць кіраўніком спраў «Хезбалы». Да абрання кіраўніком групоўкі ён загадваў у ёй фінансавымі пытаннямі. Ад-Дзін з 2017 года знаходзіцца ў спісе тэрарыстаў ЗША.
Па матчынай лініі ад-Дзін стрыечны брат загінулага лідара «Хезбалы» Хасана Насралы і зяць былога камандуючага аднаго з падраздзяленняў Корпуса вартавых ісламскай рэвалюцыі Касема Сулеймані, які загінуў пры Амерыканскім авіяўдары ў Іраку ў пачатку 2020 года.
Al Ghad адзначае дзіўнае падабенства былога і новага лідараў групоўкі: яны падобныя фігурай, знешнасцю і нават лёгкай шапялявасцю.
Лідар «Хезбалы» Хасан Насрала загінуў 27 верасня ў прыгарадзе Бейрута ў выніку атакі ізраільскай авіяцыі. Паводле звестак Le Parisien, інфармацыю аб знаходжанні Насралы Ізраілю перадаў іранскі агент, укаранёны ў групоўку.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары