Грамадства44

Махляры міжнароднага кол-цэнтра падманулі людзей на мільён еўра. Затрыманні праводзіліся ў Малдове, Румыніі і Украіне

Украінскія, малдоўскія і румынскія праваахоўнікі ліквідавалі дзейнасць махлярскага кол-цэнтра, удзельнікі якога выманьвалі ў грамадзян грошы, піша «Украінская праўда» са спасылкай на паліцыю.

Скрыншот відэа паліцыі

На тэрыторыі Рэспублікі Малдова затрымалі 12 удзельнікаў арганізаванай злачыннай групы, сярод якіх двое ўкраінцаў. У ашуканскіх кол-цэнтрах працавала каля 400 наёмных работнікаў.

Згодна з распрацаванай ашуканскай схемай, якая функцыянавала з 2021 года, аферысты праз аб'явы ў інтэрнэце прапаноўвалі пацярпелым, пераважна грамадзянам Румыніі, зрабіць інвестыцыі з абяцаннем бяспечнага і хуткага заробку. Згодна з малдаўскім крымінальным заканадаўствам, затрыманым пагражае пакаранне да 15 гадоў.

Некалькі грамадзян Украіны разам з прадстаўнікамі іншых дзяржаў забяспечвалі працу чатырох кол-цэнтраў са штатнай колькасцю каля 400 чалавек у Малдове. Яны прапаноўвалі інвеставаць сродкі ў псеўдаброкерскія праекты і абяцалі высокія заробкі пасля ажыццяўлення невялікіх укладаў.

У рэкламных аб'явах зламыснікі выкарыстоўвалі выявы знакамітасцяў або афіцыйныя лагатыпы буйных мясцовых банкаў. Гэта выклікала ў патэнцыйных пацярпелых давер і дазволіла падмануць вялікую колькасць людзей, адзначаюць у пракуратуры.

Удзельнікі арганізаванай злачыннай групы прапаноўвалі ўсталяваць пацярпелым на свае тэлефоны мабільныя дадаткі, якія дазвалялі ім атрымаць доступ да банкаўскіх рахункаў пацярпелых і пераводзіць з іх грошы.

7 жніўня праваахоўнікі Украіны, Румыніі і Рэспублікі Малдова адначасова правялі спецаперацыю па ліквідацыі дзейнасці ашуканскіх кол-цэнтраў.

Адбылося каля 70 ператрусаў на тэрыторыі гэтых краін у памяшканнях кол-цэнтраў, у офісных будынках, а таксама па месцах пражывання і аўтамабілям фігурантаў. 9 з гэтых ператрусаў правялі ва Украіне.

Праваахоўнікі канфіскавалі больш за 100 камп'ютараў, сістэмныя блокі, дзясяткі тэлефонаў, банкаўскія карты, агнястрэльную зброю, 10 аўтамабіляў, а таксама каля 35 тыс даляраў ЗША. У Кіеве ўкраінскія праваахоўнікі канфіскавалі камп'ютарную тэхніку, сродкі сувязі, а таксама каля 53 тысяч еўра.

У Румыніі «схема» расследуецца ў 120 крымінальных вытворчасцях на аснове 150 заяў падманутых асоб. Устаноўлена, што зламыснікі падманулі пацярпелых на 1 200 000 еўра.

Каментары4

  • даведка
    13.08.2024
    *молдавского номера
  • Шахраи
    13.08.2024
    Это исполнители которые работали за зарплату и%. А главаря их взяли?
  • Тампа
    13.08.2024
    Эх жаль таких рейдов в Индии не проводят.... Заколебали эти индюки своими звонками!!!

Цяпер чытаюць

Дзмітрый Лукашэнка хоча паставіць пад кантроль усе мабільныя тэлефоны11

Дзмітрый Лукашэнка хоча паставіць пад кантроль усе мабільныя тэлефоны

Усе навіны →
Усе навіны

Магчыма, менавіта тут была вязніца Кейстута. Археолаг прыадкрывае сакрэты Крэўскага замка15

Як мінімум 68 мігрантаў загінулі ля берагоў Емена ў выніку крушэння лодкі, дзясяткі зніклі без вестак3

Расія моцна пашкодзіла важны мост у Херсоне. Ці кажа гэта пра падрыхтоўку да дэсанту на правы бераг?2

Лукашысты вераць, што змогуць зняць санкцыі ні за што. Гэта рэальна?25

У Вільні ў смеццевым кантэйнеры непадалёк ад амбасады Расіі знайшлі часткі цела забітага падлетка8

Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?10

Японцы з дапамогай 3D-друку пабудавалі дом з зямлі, а не бетону1

У Беларусі з'явілася вакансія з заробкам 33 тысячы рублёў. Каго шукаюць?1

У Празе на хакейным турніры на лёд выбегла раз'юшаная маці аднаго з гульцоў ВІДЭА1

больш чытаных навін
больш лайканых навін

Дзмітрый Лукашэнка хоча паставіць пад кантроль усе мабільныя тэлефоны11

Дзмітрый Лукашэнка хоча паставіць пад кантроль усе мабільныя тэлефоны

Галоўнае
Усе навіны →

Заўвага:

 

 

 

 

Закрыць Паведаміць