На Міншчыне грыбнікі за тры гадзіны сабралі больш за 100 чырвонагаловікаў
Такі ўлоў грыбнікі знайшлі пад Вілейкай, піша kraj.by.
Грыбнікі, якія сабралі больш за сотню чырвонагаловікаў за тры гадзіны, расказалі пра сябе.
Алена нарадзілася ў Мінску і ўсё жыццё там жыве. У дзяцінстве дзяўчына ездзіла на выходныя і канікулы да сваіх дзядулі і бабулі ў вёску, таму з сельскім жыццём яна знаёмая не па чутках.
Муж Алены родам з Вілейкі, таму яны часта прыязджаюць на яго радзіму і любяць прагуляцца па лесе ў пошуках грыбоў.
Гэтым разам яны збіралі грыбы ў Вязынскім кірунку і знайшлі больш за сотню маладых чырвонагаловікаў усяго за тры гадзіны.
— У нас ёсць свае месцы, у іх мы традыцыйна і збіраем грыбы. Праўда, апошнім часам стала прыкметна больш грыбнікоў, канкурэнцыя вырасла. Але мы ўчора вельмі ўдала зайшлі і, відавочна, людзей перад намі не было, — распавядае суразмоўца.
— Мне падабаецца сам працэс збору грыбоў, я ў лесе адпачываю, атрымліваю асалоду ад прыроды. Не магу сказаць, што моцна люблю іх есці, — дадала Алена.
Пасля збору сямейства перабірае і нарыхтоўвае грыбы на зіму — адварваюць, замарожваюць і марынуюць.
Муж гераіні знайшоў паляну, плошчай прыкладна «з кватэру», і на ёй сабраў штук 50 маладзенькіх чырвонагаловікаў. Такую карціну мужчына ўбачыў упершыню ў сваім жыцці.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага31
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу130130
Каментары