Арганізатары Алімпіяды папрасілі прабачэння за адсылку да «Тайнай вячэры» на цырымоніі адкрыцця
У аргкамітэце Алімпійскіх Гульняў запэўнілі, што не хацелі нікога пакрыўдзіць сцэнай «Тайнай вячэры» з удзелам дрэг-артыстаў.
«Відавочна, што ў нас не было намеру праявіць непавагу да якой-небудзь рэлігійнай групы. [Цырымонія адкрыцця] была накіравана на выхаванне памяркоўнасці ў грамадстве», — заявіла дырэктар па камунікацыях аргкамітэта Алімпіяды Ан Дэскам.
Акрамя таго, відэа з лепшымі момантамі цырымоніі адкрыцця было выдалена з ютуб-канала Алімпійскіх гульняў, піша «Медуза».
Удзел у цырымоніі адкрыцця дрэг-квін, а таксама артыста, які паказаў грэчаскага бога Дыяніса, раскрытыкавалі кансерватыўныя палітыкі і прадстаўнікі рэлігійных арганізацый. Яны ўбачылі ў выступе высмейванне рэлігійных сімвалаў і непавагу да хрысціянства.
Каментары
Паспрабавалі б зрабіць пародыю на адну вядомую самую мірную рэлігію. Ці страшна, што можа бахнуць нешта, ці галаву як Марыі Антуанэце адсекуць? А?
Вось такі перформанс яб паглядзеў.