Бліжэй да сярэдзіны наступнага тыдня спякота паступова пойдзе на спад, тэмпература паветра ў большасці раёнаў панізіцца да камфортных значэнняў. Разам з тым атмасфера над Беларуссю стане вельмі няўстойлівай, будзе вялікая верагоднасць дажджоў, навальніц і ліўняў. Пра гэта на АНТ расказаў сіноптык Дзмітрый Рабаў.
У пачатку тыдня атмасфернымі працэсамі будзе кіраваць вобласць высокага атмасфернага ціску і халодны атмасферны фронт, услед за якім паступова пачне паступаць больш прахалоднае, вільготнае паветра. Пераменная воблачнасць, на большай частцы тэрыторыі кароткачасовыя дажджы, магчымы навальніцы.
Вецер заходні, паўночна-заходні, умераны. У начны і ранішні час слабы туман. Уначы ад +12 да +19°C, днём у панядзелак ад +25 да +31°C, у аўторак ад +19°C па поўначы да +27°C па паўднёвым усходзе.
У сярэдзіне тыдня ў асноўным у дзённыя гадзіны пройдуць кароткачасовыя дажджы, вецер умераны. Вільготнасць да 70 працэнтаў. Тэмпература ноччу ад +11 да +17°C. У сераду ад +19 да +24°C.
І, папярэдне, у пачатку другой паловы тыдня Беларусь застанецца ва ўладзе вільготных, няўстойлівых паветраных мас. У большасці раёнаў чакаюцца кароткачасовыя дажджы. Вільготнасць да 70 працэнтаў. Пад раніцу слабыя туманы. Уначы ад +12 да +17°C. Днём у чацвер і ў пятніцу +25…+29°C.
У першыя выходныя ліпеня — пераменная воблачнасць, без дажджоў і навальніц не абыдзецца. Уначы і раніцай месцамі туман, бачнасць да паўкіламетра. Вільготнасць да 80 працэнтаў. Уначы ад +10 да +15°C, у сярэдзіне дня ў суботу +25…+30°C, у нядзелю +29…+32°C.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары