Грамадства66

На рок-фестывалі ў Пружанах гурт «Кіно» ў апошні момант памянялі на двух Z-выканаўцаў

Учора ў Пружанах стартаваў рок-фестываль «Сонцастаянне». Выданне BGmedia заўважыла, што ў апошні момант у ім адбыліся змены ў праграме, якія, у прынцыпе, у цяперашніх умовах не здзіўляюць.

Рэклама фестывалю «Сонцастаянне» ў Пружанах. Фота: budni.by

Прынамсі тры раённыя выданні напісалі напярэдадні рок-фестываля, што праграма зведала змены ў плане складу артыстаў. Мясцовыя прапагандысты спаслаліся на арганізатараў, якія заявілі, што да спісу хэдлайнераў «далучыцца стваральнік групы «Кароль і Шут» Андрэй Князеў і гурт «КняZz», а таксама гурт «Кіпелаў».

«У сувязі з форс-мажорнымі абставінамі, незалежнымі ад арганізатараў, гурт «Кіно» не возьме ўдзел у рок-фестывалі. Вакантнае месца на рок-фестывалі зойме гурт, песні якога вы ведаеце на памяць!», — напісалі арганізатары фестываля ў інстаграме, маючы на ўвазе гурт «Кіпелаў».

Ніводная з раёнак у сваіх паведамленнях, дарэчы, не згадала, што з афішы фестывалю знік гурт «Кіно».

На старонцы рок-фестываля «Сонцастаянне» ў інстаграме карыстальнікі ў каментарах пісалі, што гурт «Кіно» нібыта «не захацеў прыязджаць, таму што ім забаранілі спяваць песню «Перамен», а гэта іх культавая песня».

Сучасны склад групы «Кіно». Фота: rocketsmusic.ru

Яшчэ адзін з каментатараў выказаў здагадку, што гурт «хутчэй за ўсё і не павінен быў прыехаць, гэта было хутчэй за ўсё для раскруткі». Але можна меркаваць, што гурт «Кіно» не паехаў на канцэрт у Пружаны, дзе львіная доля выступоўцаў — расійскія Z-гурты, праз грамадзянскую пазіцыю.

Так, 25 лютага 2022 года, пасля поўнамаштабнага ўварвання Расіі ва Украіну, у сацсетках гурта з'явіўся чорны квадрат з подпісам: «Група «Кіно» супраць вайны. І заўсёды будзе супраць вайны». Праўда, потым пост адрэдагавалі, напісаўшы такія радкі «Сярод звязак у горле камяком цясніцца крык. Але надышла пара, і тут ужо крычы — не крычы».

А 10 сакавіка гурт апублікаваў пост пра гісторыю антываеннай песні Віктара Цоя «Бяз'ядзерная зона», напісанай у 1984 годзе. Яна дагэтуль уключаная ў канцэртную праграму гурта, піша starsaboutwar.in.ua. Візуальным фонам для гэтай песні выкарыстоўваюцца колеры нацыянальнага сцяга Украіны. Гэты відэашэраг таксама прысутнічае і ў кліпе:

Калі ж казаць пра грамадзянскую пазіцыю музыкаў гуртоў «Кіпелаў» і «КняZz», то

адзін з заснавальнікаў і першы вакаліст рок-гурта «Арыя» Валерый Кіпелаў падтрымаў анексію Крыма ў 2014 годзе і заявіў, што яму «вельмі спадабаўся выступ Пуціна, які сказаў, што Крым для ўсіх, і адзінае, што ён ніколі не будзе бандэраўскім».

Таксама Кіпелаў адкрыта падтрымлівае поўнамаштабную вайну Расіі супраць Украіны. Так, яго абурыў выступ саліста гурта «ДДТ» Юрыя Шаўчука, у якім ён няўхвальна адгукнўся пра Пуціна і расказаў, што такое Радзіма ў ягоным уяўленні.

У піку яму Кіпелаў скончыў адзін са сваіх канцэртаў прамовай, шчодра запраўленай прапагандысцкімі лозунгамі і фразай «Перамога будзе за намі!»

У ліпені 2022-га Кіпелаў даў канцэрт у вайсковым шпіталі перад расгвардзейцамі, параненымі падчас вайны ва Украіне. У маі 2023 года выступіў на вайсковай базе ў Сірыі.

Што тычыцца гурта «КняZz», то ягоны лідар Андрэй Князеў летам 2022 года ўзяў удзел у запісе патрыятычнай праўладнай песні «Я застаюся» як адказ усім тым, хто пакінуў Расію. 22 жніўня 2023 года музыкі гурта ўдзельнічалі ў канцэрце, прысвечаным Дню расійскага сцяга ў Лужніках разам з іншымі фанатамі пуцінскага рэжыму.

Рок-фестываль «Сонцастаянне» праходзіць у Пружанах з 28 па 30 чэрвеня. На рок-фестывалі выступяць 16 рок-выканаўцаў і калектываў. Большасць з іх — расійскія, за якімі замацавалася рэпутацыя Z-рокераў. Гаворка пра гурты «Черный кофе», «Чиж и Ко», «Братья Грим», «СерьГа» і «Моральный Кодекс», залаты склад гурта «Парк Горького» (Аляксандр Маршал, Аляксей Бялоў, Аляксандр Яненкаў) і лідара калектыва «Смысловые Галлюцинации» Сяргея Бабунца.

Усе гэтыя выканаўцы падтрымліваюць агрэсію Расіі ў дачыненні да Украіны і актыўна спяваюць на Z-канцэртах як у Расіі, так і на акупаваных тэрыторыях Украіны.

Каментары6

  • ЯНКА
    30.06.2024
    🏴 Чаму пэўныя зь іх рашуча ўстаюць пад сьцяг тае Zаганы? Песьня была створаная яшчэ да акупацыі Крыму, а падаецца, што зусім нядаўна: https://youtu.be/8qXa7y84sF0?si=E5Zq0kDDQowwlwug
  • Тау
    30.06.2024
    Гэтыя чZ значыць расейскія? Чаму не пісаць адкрыта?
  • бабруйчанін
    30.06.2024
    Фэстываль квір выканаўцаў ад саўдэп віа рок ансамбляў ?? І 35 год таму ўся гэта самадзейнасць выклікала смех сваей хуууу творчасцю .. І " кіно" таксама падлеткавы сіротскі тыпа рок як " ласкавы травень"))

Цяпер чытаюць

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа4

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

Як глабальная змена клімату адаб’ецца на Беларусі? Не зусім так, як мы ўяўляем12

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»43

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда11

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа4

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць